Dili-Ministru Justica, Dionisio Babo reprezenta Prezidente da Republika ofisialmente lansa Grupu Promotor ba Transformasaun (GPT) neébe organiza husi Centru Estudu ba Dame no Dezenvolvimentu (CEPAD) iha Hotel Ramelau Sexta Feira (05/07).
Hafoin halo lansamentu Ministru Justica, Dionisio Babo iha Diskursu hateten katak grupu promotor ba transformasaun (GPT) hanesan sosiadade sivil nia papel importante tebes iha paiz ida neé atu bele halo estudu neébe klean ba ita nia problema neébe ita infrenta.

Grupu ida neé konsiste husi ema lubuk ida neébe iha integridade boót tebes neébe barak mai husi relijiaun, balun mai husi orgaun estadu neébe hamutuk atu bele transformasaun etika, disiplina ba sosiadade ida neébe bele responde politika dinamika.

“Papel sosiadade sivil importante tebes ba dezenvolvimentu paiz demokratiku ida neé hodi fo ativamente opiniaun no fo hanoin nafatin ba nain ulun sira hodi ajuda estadsu atu bele halo dezenvolvimentu ho diak ”Dehan Ministru Justica, Dionisio Babo.

Ministru Justica mos informa mos katak liu husi grupu ida neé atu bele halo estudu no halo rekomendasaun ba estadu liu-liu ba korupsaun neébe dala barak sai prekupasaun boót ba sosiadade sivil sira liu husi grupu ida neé ita hotu fiar katak bele rekomenda ba instituisaun estadu neébe relevante atu bele halo prosesu tuir lei neébe ita iha.

“Hau apresia tebes ho rekomendasaun husi Grupu Promotor ba Transforamasaun liu-liu ba korupsaun, Kolusaun no Nepotisme KKN neébe ema barak sempre hakilar, dala barak nain ulun sira servisu tau intrese pribadu as liu fali interese estadu nia tamba neé ho estabelesementu Grupu ida neé bele kontrola hodi transforma ba toó iha povu” dehan MJ.

Iha fatin seluk Prezidente Eleitu Grupu Promotor ba Transformasaun (GPT) Leovilgdo Hornai mos informa katak atu transforma politika ba toó iha ita nia povu presija ita hotu nia servisu no kontribuisaun hodi luta kontra korupsaun neébe dala barak ema hakilar maibe la iha faktus tamba neé prezensa grupu ida neé atu bele halo estdu neébe klean hodi halo rekomendasaun ba instituisaun estadu neébe kompotente hodi halo prosesu tuir ita nia lei neébe iha.