Dili-Ministru Justica, Dionisio Babo Kuinta Feira (11/07) iha sala Reiniaun Ministeriu Justica,halo reiniaun konseltivu ho Direitur Nasional husi Ministeriu Justica tomak hodi update kona ba ejekusaun orsamentu jeral do estadu ba tinan 2013, no aprezenta mos Planu Asaun Annual (PAA) ba tinan 2014, e mesmu tempu aprezenta mos atividades semenal kada diresaun hotu-hotu ba Ministru Justica.
Iha Reiniaun neé Ministru Justica, Dionisio Babo hateten katak politika governu kona ba ejekusaun orsamentu do estadu tenke poupa ita lalika gasta osan arbiru deit la tuir planu tamba neé Direitur hotu-hotu atu update malu kona ba ejekusaun orsamentu tuir duni palanu no programa neébe ita trasa tea ona ka lae atu nune bele atinji ita nia metas neébe ita iha liu-liu ba seitor justica nia.

“ejekusaun orsamentu ba tinan ida neé regiroju tebes tamba neé Direitur hotu-hotu tenke atensaun ba ejekusaun orsamentu estadu tuir duni ita nia planu no programa ga ka lae, dala barak servsiu ida neébe ita halo iha Distritu ba loron ida deit ita halo ba loron rua ou tolu ida neé mak ita tenke hare tamba neé tenke hamenus hodi labele kria fali programa sem planu neébe diak” Dehan Ministru Justica, Dionisio Babo.

MJ mos informa tan katak politika governu tinan ida neé sei hadi uma laran tamba neé Ministeriu Justica ba tinan ida neé la iha vagas atu halo rekrutamentu ba founsionariu foun maibe ita utiliza lai ita nia rekursu neébe ita iha hodi bele halo servisu neébe iha.

Iha fatin seluk Direitur Nasional Administrasaun e Financas Crisogno da Costa Neto informa mos katak husu mos ba Diresaun hotu-hotu iha Ministeriu Justica atu bele hatama ona Planu Asaun Annual (PAA) ba Diresaun Nasional Administrasaun e Finansas atu bele haruka ona ba iha Gabinete Primeiru Ministru iha tempu besik.