Dili-Ministru Justica,Dionisio Babo, halo reiniaun ho Arjuntu PDHJ Silveiro Pinto hodi diskuti liu kona ba Esbosu lei trafiku humanu, relasiona ho trafiku humanu neébe sempre akontese iha Timor-Leste oinsa mak instituisaun Estadu neébe relevante atu bele halo prevensaun ba kestaun neé,Reiniaun neébe haláo iha Sala Reiniaun Ministeriu Justica, Caicoli Kuinta Feira (04/07).
Iha Reiniaun neé Ministru Justica, Dionisio Babo hateten katak instituisaun Estadu nian neébe hola parte ba justica atu bele tur hamotuk hodi diskuti oinsa atu bele halo prevensaun ba kazu hanesan Droga, Trafiku humanus, neébe sempre akontese iha Timor-Leste.

“Agora dadaun Ministeriu Justica liu husi DNAJL prepara hela ona hodi halo revizaun finan ba esbosu lei trafiku humanu, tuir planu sei halo konsultasaun publiku iha tinan ida neé atu nune bele simu mos maluk ONG, Sosiadade sivil sira nia hanoin kona ba esbosu lei neé” dehan Ministru Justica, Dionisio Babo
Iha fatin seluk Adjuntu Provedoria Direitus Humanus e Justica (PDHJ) Silveiro Pinto mos informa katak kestaun trafiku humanu neé sai proridade ba PDHJ liu-liu ba reiniaun South East Asia National Institution for Human Rights (SEANAF) tinan ida neé iha Timor-Leste mak sei lidera.

“Trafiku humanu sai proridade ba PDHJ tamba neé ohin mai hasoru malu ho Ministru Justica oinsa atu bele prepara esbolu lei trafiku humanu nian neée tuir palnu sei halo konsultasaun publiku iha tinan ida neé ”Dehan SIlveiro Pinto
Iha reiniaun neé partisipa husi Ministru Justica, Dionisio Babo, Adjuntu PDHJ Dr. Silveiro Pinto, Direitur DNAJL Nelinho Vital.