Dili-Ministru Justisa, Dionisio Babo akompania Primeiru Ministru Kay Rala Xanana Gusmaó hodi aprezenta alterasaun lei No 5/III/I no primeiru alterasaun lei No 9/2011 de 17 de Agosto Camara de Contas ba Parlamentu Nasional, iha aprezentasaun neé durante loron 2 nia laran iha Segunda Feira (02/07) halo diskusaun ba jenaralidade pasa ho votus afavor 47, kontra 0, abstensaun 4, iha Terca Feira halo diskusaun ba spesialidade pasa ho votus afavor 32 kontra 2 abstensaun 18 alterasaun ba lei Camara de Contas Pasa iha Parlamentu Nasional.
Iha aprezentasaun neé Primeiru Ministru Kay Rala Xanana Gusamaó hateten katak lei organika Camara de Contas Tribunal Administrativu, fiscal de kontas tamba lei neé rasik fo tempu ba governu atu hatama relatoriu liu-liu ba projeitu fiziku sira.

“Primeiru hau (PM) admira tebes ho lei Organica kamara de Contas tamba konsultaria ba projecto supply base Suai han tempu 92 dias no konsultaria Estrada Dili ba Baucau han loron 110 dias, tamba neé ita hotu tenke hare didiak lai lei ida neé” Dehan Primeiru Ministru Iha Parlamentu Nasional Terca (02/07).

PM mos informa tan katak ba orsamentu 1 Miliaun ba leten neé iha komisaun Nasional aprovizonamentu mak halo aprovizonamentu sira laos deit halo ba projeitu fiziku, maibe sira mos halo mos ba bens e servisu, no capital menor bainhira ba iha konkursu nasional no internasional neé depende kompleksidade konkursu atu nune bele prepara ida neébe mak atu bele manan ba konkurusu ida neé.

“Iha konkrusu Nasional neé mos bele han to’o fulan rua ou tolu ba konkursu internasional bele toó fulan walu ou sia tamba neé husu ba Parlamentu Nasional atu bele aumenta tan fulan hat ba fulan sia atu nune tempu neé bele sufisiente ba govenru sira atu hatama hotu proposta ba projeitu fiziku sira neé” Dehan PM
Camara de Contas do tribunal administrative, fiscal neé katak projeitu fiziku neébe ho montante hamotuk U$ 5 Milloens mak foin hetan vistu previu husi tribunal de Contas, tamba neé mak ita boót sira hare 3 Miloens neé ita hare hanesan meiu ida maibe kontaliu ba espasu neé tomak.

Iha aprezentasaun lei Camara de Contas neé partisipa husi Primeiru Ministru Kay Rala Xanana Gusamaó, neébe akompania husi Ministru Justica, Dionisio Babo,Vice Ministra Financas, Santina Cardoso, Direitur DNAJL Nelinho Vital.