Dili-Governu Liu husi Sekretariu Estadu Terras, Propriedades e de Serviço Cadastrais (SETEP) iha tempu besik Badak sei aplika ba okupantes sira neébe durante neé okupa hela uma estadu nia hodi fo arendamentu ba estadu.
Tuir Ministru Justica, Dionisio Babo hateten katak Komunidade neébe ukupa hela propridade estadu nia liu-liu uma estadu neébe okupasaun indonezia no Portugal husik hela iha Timor- Leste no Bazeia ba lei No 1/2003.

“Governu liu husi Ministeriu Justica liu-liu Terras Propridade, atu bele aplika ona arendamentu ba ita nia komunidade sira neébe durante neé okupa hela propriedade estadu hodi hatama fali reseitas ba estadu tamba durante neé ita nia reseitas sei ami husi Mina rai tamba neé tempu toó ona ita hotu atu bele kontribui ba estadu ”Dehan Ministru Justica, Dionisio Babo iha edifisiu SETEP,Sexta (12/07)
MJ mos informa tan katak bazeia ba lei No 1/2003 uma ou sasan neébe partensia ba estadu Indonezia ho Portugal husi hela no agora dadaun estadu Timor- Leste mak sei adminstra, tamba neé maluk okupantes sira tenke kontribui ona bazea ba ita nia lei neébe ita vigora ona hodi selu orendamentu ba estadu.

Ministru Justica husu mos ba komundiade sira neébe mak okupa uma estadu tenke kumpri ona lei no komprende hanesan sidadaun Timor Leste hodi kontribui ba ita nia estadu tamba durante neé ita tabele hela ba mina rai no agora ita tenke iha politika atu bele hatama mos reiseita ba estadu liu husi arendamentu hodi labele depende ba mina rai.

“Inportante mak ita nia povu Timor Leste hotu iha konsensia katak hanesan sidadaun tenke kontribui no tenke husu ba ita nia aán katak saida mak hau atu fo ba estadu ”.