Dili-Ministeriu Justisa, Liu husi Diresaun Nasional Registo e Notariado (DNRN) halo serimonia atribuisaun sidadania ba sidadaun Estrangeiru tuir lei No 9/2002 artigo 13 kona ba Naturalizasaun tamba halaó knar importante iha Timor-Leste e mos tuir Dekretu Lei No 1/2004 4 Fevereiro artigu 22 hetan nasionalidade liu husi Kasamentu iha edifisiu Ministerio Justica Sexta Feira (29/06).
Tuir Ministru Justica, Dionisio Babo iha diskursu hateten katak baseia ba Lei Nasionalidade No 9/2002 5 Fevereiru no Decreitu Lei no 1/2004 4 Fevereiro artigu 11 kona ba hetan nasionalidade husi kasamentu, ema estrangeiru neébe ohin simu ona sertifikadu hodi sai hanesan sidadaun Timor-Leste prense ona requisitos tuir lei haruka, wanhira sira atu hetan nasionalidade liu husi Kasamentu, ema estrangeiru sira neé tenke tuir lai exame neébe fo husi Ministeriu Justica no Ministeriu Educacaun neébe liu husi prova tenke kaben liu tia ona tinan lima hela iha teritoria tenke toó tinan 2 ba leten, hatene koalia lian ofisial e sira mos hatene tiha ona istoria no kultura Timor-Leste nian.

“Sidadaun Estranjeiru neébe ohin hetan ona sertifikadu sidadania nia, sira iha direitu atu hetan asistensia sosial husi estadu Timor-Leste hanesan mos sidadaun Timor-Leste nanis, estaranjeiru neébe kaben ona ho Timor oan karik kazamentu neébe bele halakon ninia nasionalidade ida uluk, deklarasaun nulidade nian ka hakotu kazamentu nian la prejudika ba nasionalidade neébe hetan husi laen ka fen wanhira simu ho neon nakloke ”Dehan Ministru Justica Dionisio Babo.

Iha fatin seluk Diresaun Nasional Registo e Notariado Maria do Rosario Fatima hateten katak ema estranjeiru neébe hetan ona nasionalidade liu husi Kasamentu hahu kedas 2006 toó 2013 no sidadaun hira neé mai husi Nasaun 8 hanesan Indonezia, Australia, Bangladesh, Pakistan, India, Angola, Filipina , Vietnam ema estranjeiru neébe hetan nasionalidade hamutuk 574.

“Hikus mai hakarak hateten mos katak sidadaun estranjeiru balun kaben ho Timor oan hahu kedas 1975 to ohin loron sidauk hetan nasionalidade tamba la hatene koalia lian official ida no la hatene hakerek no la hatene le, no rekomenda ba nain ulun sira atu tur hanoin no tetu ba ”Dehan MJ.