Dili-Agora dadaun Timor-Leste liu-liu joventude sira komesa komete ona atividade droga iha paiz ida neé e nune deskonfia Timor-Leste sai hanesan fatin transportasaun, faán no sosa droga.
Tuir Ministru Justica, Dionisio Babo hateten katak relasiona ho atividade droga neé agora dadauk akontese iha Timor-Leste, govenru liu husi Ministeriu Justica hamotuk ho Ministeriu Negosiu Estranjeiru kria ona esboru lei droga.
“Lei droga Timor-Leste nia agora dadaun hotu ona hein deit atu lori ba Konselhu Ministru aprova,tamba ita hare agora joven barak mak komesa komete ona ba atividade droga no iha ema balun komesa uza Timor-Leste hanesan fali fatin atu transporta droga”Dehan Ministru Justica, Dionisio Babo iha Gabinete Ministru Justica Caicoli Dili Segunda Feira (24/06).

Prezidente Konselhu Superior Defensoria Publiku Atual Ministru Justica, Dionisio Babo neé mos informa mos katak Timor-Leste agora dadaun sei dauk iha laboratorium droga nain tan neé governu Timor-Leste liu husi Ministeriu Justica servisu hamotuk ho Govenru Malaysia hodi halo teste droga tamba halo teste ba nasaun dook lori mos risku boót.

“Agora dadaun Ministeriu Justica mos prepra ona Timor oan lubuk ida neébe iha area espesifiku liu ba Forensik neébe tuir ona treinamentu iha Portugal atu bele halo teste ba droga neébe ita nia Polisia sira prende sira mos bele halo teste”Dehan MJ.