Dili-Jepan International Cooperation Agency (JICA) neébe durante neé sai parseiru diak ho Ministeriu da Justica no agora dadaun buka hela merito atu bele produz tan esbosu lei mediasaun hodi hases krimi civil neébe sempre akotense iha Timor Leste hodi hases tea husi Tribunal.
Tuir Ministru Justica,Dionisio Babo hateten katak durante neé governu Timor Leste liu husi Ministeriu da Justica liu-liu Diresaun Nasional Assessoria Jurídica e Legislação (DNAJL) neébe durante neé sevisu hamotuk ho JICA hodi prepara esbosu lei mediasaun nomos lei droga nian.
“Ohin hasoru malu ho JICA koalia liu kona ba assuntu mediasaun ou atu kria esbosu lei mediasaun tamba agora dadaun Ministeriu Justica prepara dadaun lei tradisional tamba

neé ita mos presija lei mediasaun hodi bele resolve kazu sivil neébe sempre akontese entre komunidade ida ho komunidade sira atu nune bele hases husi Tribunal”Dehan Ministru Justica,Dionisio Babo iha Gabinete Ministru Justica Caicoli Dili Segunda Feira (24/06)
Eis Prezidente CVA neé mos informa tan katak banhira lei mediasaun neé hetan aprovasaun,sei fasilita ita nia komunidade sira atu bele asesu ba justica tamba ita iha ona lei mediasau neébe bele fasilita komunidade sira atu bele resolve rasik sira kazu liu-liu ba kazu sivl la presija lori toó ba iha Tribunal maibe sira mos bele resolve rasik.

“Lei Mediasaun inprotante tebes maske oras neé Timor Leste iha ona lei mediasaun laboral ita mos presija lei jeral hodi koalia ba lei mediasaun tanba lei neé inportante tebes,e agora dadaun MJ serivu hamotuk ho ekipa tekniku husi JICA nia hakarak fo apoiu tomak ba Ministeriu Justica hodi hakerek draf lei mediasaun nia”Dehan Eis Prezidente CVA
Iha fatin seluk Reprezentante JICA Komatsu Kenta, hateten katak objektivu mai iha Timor Leste liu Ministeriu Justisca atu kopera hamotuk hodi kria esbosu lei mediasaun iah nasaun Timor Leste tanba Japaun prontu fo apoiu ba esbosu lei mediasaun Timor Leste nia.
“Timor Leste agora dadaun atu prepara esbosu lei mediasaun tamba neé japaun iha ona lei mediasaun no ami fiar katak lei mediasaun Japaun nia labele mai inplementa iha Timor Leste tan neé ita presija diskusaun hodi bele kria rasik esbolu lei mediasaun Timor Leste nia”dehna Komatsu Kenta