Dili-V Governu Konstituisional liu husi Ministeriu da Justica neébe durante neé halo esforsu aán hodi halo konsultasaun Publiku ba lei rai nia no agora dadaun lei neé iha ona Konselhu Ministru no iha tempu besik sei aprezenta ba Parlamentu Nasional hodi hetan aprovasaun.
Tuir Ministsru Justica Dionisio Babo,hateten katak Lei rai nia agora tama ona iha Konselhu Ministru tuir ajenda lei rai nia sei halo aprezentasaun iha semana ida neé nia laran hodi halo debate iha Konsehlu Ministru molok atu haruka ba Parlamentu Nasional.

“Lei rai nia semana ida neé Konselhu Ministru sei fo apresiasaun no mos debate kuandu debata hotu ona lei neé sei haruka ba Parlamentu Nasional atu halo aprovasaun”Dehan Ministru Justica, Dionisio Babo iha Gabinete Ministru Justica Caicoli Dili Segunda Feira (24/06).

MJ mos informa tan katak Esbosu lei rai nia neé mai husi Governu AMP nia konsege hetan aprovasaun husi Parlamentu Nasional maibe lei neé hetan veto husi Eis Prezidente da Republika Jose Ramos Horta .

“Lei rai nia neébe hetan veto husi Eis Prezidente da Republika iha artigu balun neébe prezidente la konkorda ami akomoda hotu ona ema hotu nia hanoin liu husi konsultasaun publiku,e tau mos iha CD haruka ba autoridade local sira liu-liu Chefe Sucu sira hetan hotu kona ba esbosu lei rai nia neébe agora dadaun iha hela Konselhu Ministru”.