Dili-Prezidente Konselhu Superior Defensoria Publiku atual Ministru Justica, Dionisio Babo Asiste tomada de Posse ba Defensoria Publiku Estagiariu nain lima ne’ebee hetan posse husi Defensoria Publiku Jeral Sergio Hornai iha edifisiu Defensoria Publiku Mascarenhas Dili,Sexta (21/06).Tuir Prezidente Konselhu Superior Defensoria Publiku (PKSDP) atual Ministru Justica, Dionisio Babo informa katak lori Ministeriu Justica nia naran e mesmu tempu hanesan Prezidente Konselhu Superior Defensoria Publiku ható parabens ba Defensoria Publiku Estagiariu nain lima neébe ohin simu ona posse hodi sai hanesan Defensoria Publiku.

Timor-Leste paiz ida neé deferente ho paiz sira seluk neébe ohin loron mai fo ajuda ita iha area judisiaria tamba Timor Leste foin mak ukun aán maibe estadu ha’ri ona Defensoria Publiku maibe iha paiz sira seluk toó ohin loron sei dauk iha Defensoria Publiku
Tamba neé estadu estabelese istituisaun defensoria Publiku paralende de Procuradoria da Republika no Tribuanal inportante tebes iha paiz demokratiku ida neé hodi fo asistensia legal ba ita nia sidadaun sira iha Tribunal.
Iha V governu Konstituisional liu husi Ministeriu Justica hamotuk ho Vice Ministru hanoin ona katak instituisaun Defensoria Publiku neébe agora dadaun sei tutela hela iha Ministeriu Justica nia okos agora toó ona tempu atu sai instituisaun Atonomo ida hanesan mos Tribunal ho Procuradoria da Republika.

Iha fatin seluk Defensoria Jeral Sergio Hornai informa mos katak onra boót ida ba ita hanesan instituisaun autonomo neé agora tutela iha Ministeriu Justica nia okos no iha tinan barak ita hakarak esforsu hamotuk ho ita nai parseriu sira atu dezenvolve instituisaun ida neé sai diak liu tan hodi fo asistensia ba ita nia sidadaun tuir Lei Konstituisaun haruka
“katak atu fo asistensia legal ba ita nia sidadaun hotu-hotu tuir lei haruka hakarak ga lakoi ita nia governu ho nia forsa tomak neébe iha,iha tinan sia liu ba buka esforsu hametin no haforsa istituisaun esensial estadu nian”Dehan Sergio Hornai.