IHA loron Sesta, 14 fulan-Juñu 2013 Sekretariu Estadu Terras Propriedade hala’o Sosializasaun Lei rai nian no enkontru komunitaria iha Suko Betano Sub Distritu Same Distritu Manufahi hodi ko’alia kona-ba lei Númeru 1/2003 no Artigu 54 konstituisaun RDTL ba komunidade sira iha fatin refere.
Durante sosializasaun no enkontru komunitaria, komunidade sira prekupa liu kona-ba sira nia rai, helafatin no ai-horis ne’ebé maka iha sira nia kintl laran, tanba tuir sira sedu ou tarde fatin ne’e estadu sei implementa mega projetu boot iha ne’ebá.
Iha sosializasaun ne’ebé ho tema “NASAUN! LEI! ESTADU! SIDADAUN! Lei nudar aliserse hodi responde ba progresu dezenvolvimentu iha seitór hotu-hotu ne’ebé liga ba rai” ne’e SETP Responde prekupasaun komunidade sira nian hodi husu ba komunidade atu labele prekupa liu, tanba buat hotu sei la’o tuir lei, nune’e bainhira estadu presiza halo dezenvolvimentu ruma iha komunidade nia rai estadu sei fo kompenizasaun tuir lei haruka.

Iha fatin hanesan Administradór Sub-Distritu Same Distritu Manufahi Adão Mendes hato’o bemvindu ba SETP hokometiva hodi haten, sosializasaun lei rai nian ne’e importante tebes ba komunidade sira iha suko Betano, tanba betano maka hanesan sentru ba dezenvolvimentu, liu-liu hanesan fatin ba mega projetu sira.
Ho ida ne’e ami husu ba SETP atu fo nia tempu tomak hodi esplika ba komunidade sira tuir lei haruka, iha parte seluk ami mós hato’o ami nia agradesementu ba SETP tanba rona duni povu nia halerik hodi bele hiit-aan mai to’o iha Suko Betano hodi halo sosializasaun lei rai nian ba komunidade sira.
Hanesan administradór nia mós husu ba komunidade sira atu rona diadiak tanba ne’e hanesan oportunidade di’ak ida ba komunidade suku betano nian hodoi bele rona direitu nain ba rai, husu mós ba komunidade sira atu hato’o difikuldade sira ne’ebé lais ou sedusei sinte, tanba estadu sei loke mega projetu boot iha Betano.
Nia hateten fatin ne’e sei akontese buat lobuk ida, hanesan mega projetu hanesan refenaria, olio pezadu, hetrokimíka no seluk tan. problema ba komunidade sira maka haneesan sira nia hela-fatin no ai horis ruma ne’ebé sei afeta iha mega projetu.
Iha parte seluk hanesan komunidade Antonio José Florindo hateten, molok estadu atu implementa mega projetu iha Betano hanesan komunidade sira husu ba SETP atu ba sukat uluk rai iha parte betanu nian, nune’e komunidade sira bele iha legalidade ruma kona-ba sira nia rai.

“Ami hanesan rai na’in maibé ami laiha dokumentus ruma, oinsa mak ami bele hatudu katak rai ne’e ami nian, selae ami bele sai fali rai nain ida ne’ebé iha nakukun laran ho ida ne’e husu ba SETP atu halo planu ruma par abele mai sukat ami nia rai,” tenik Floridno.
Iha soslializasaun hetan partisppasaun másimu hosi komunidade sira, Sekretáriu Estadu Terras Propriedade, Diretór DNTPSC ho nia funsionáriu sira, lideransa komunitáriu, Autoridade lokál no Komandante PNTL Manufahi.