Lolotoe, Vise Ministru Justisa Ivo Valente, halo Sorumutu ho komunidade iha subdistritu Lolotoe, iha intervensaun VMJ sublinha importansia konaba divulgasaun Leis inklui konesimentu husi komunidade ba futuru ba rai nebe sei iha prosesu aprovasaun.Explika mos konaba propostas / possibilidades futuru lei sira ba rai nian iha Timor - Leste, nebe tuir realidade prepara ona projectu de lei ba regulariza assuntus konaba direitu ba rai iha pakote /proposta 3 nebe halão ona iha IV Governu Konstitusional hanesan 1). Lei konaba Titularidade direitu ba rai. 2). Lei Expropeções 3). Lei Fundu Imobiliario, no mos explika konaba utiliza passaporte hat 4 nebe povu sira perzisa hatene ( Passaporte cumun, Servisu, Diplomatiku, Estrageiro). Transimite mos konteudu principal lubuk ida ba komunidade, no husu ba komunidade atu evita disputa rai nebe la nessesariu atu mosu.

Sorumutu nee, termina ho agenda perguntas no hataan, nebe mosu perguntas barak liu konaba direitu ba rai no solusaun ba disputas sira, no ho ema nebe kaben sila atu bele hetan sidadaun Timor – Leste. Povu lolotoe mos husu ba estado atu loke odamata ba flonteira liu husi subdistritu Maukatar.

Antes atu taka sorumutu ne Vise Ministru Justisa Ivo Valente fo nian agradecimentu ba povu Lolotoe nebe fo nian kbit mai partisipa sorumutu ida ne, no ho nia mensagem ba povu lolotoe, buat nebe ita bot sira rona bele hatóo ba maun alin sira nebe la partisipa iha envento ida nee.

Vise Ministru Justisa Ivo Valente, akompanha ho Direktor DNDHC, Dr.Celito Cardoso, Directora DNRN Dra. Fatima de Araujo, eix Director DNTP Eng. Antonio Virdial, Adjunto administrador distritu Bobonaro Sr. Januario da Costa, Adjunto administrador subdistritu lolotoe Sr. Almeiro pereira dos reis, komandante PNTL Sr. Helio Soares Babo no ho Chefe departemento divulgasaun Dr. Joao Maupelo. Hahu divulgasaun ba lei sira nebe existente no possibilidade lei foun ba rai iha Subdistritu Lolotoe, iha loron 13 – 06 – 2013. Vise Ministru Justisa Ivo Valente, ho nia Komutiva antes fila mai Dili husi Lolotoe, almosa hamutuk ho povu sira iha Lolotoe, fila mai Dili oras 13 : 05 lokraik.