Manchester- Ministru Justica, Dionísio Babo sai orador ba Seminar Internasional neébe organiza husi Universidade Boston Manchester iha Seminar Internasional neé Ministru Justica, koalia kona ba Sistema justica iha Timor Leste, kauza, efeitu no influensia, seminar Internasional neé haláo iha Fakuldade Direitu Universidade Boston Manchester, Segunda (3/06).
Tuir Ministru Justica, Dionisio Babo iha palestra hateten katak Timor-Leste hanesan nasaun demokratiku foun ida iha mundu neébe foin hetan nia independensia iha 2002 antes atu hetan independensia Timor Leste hetan okupasaun husi nasaun Portugal no Indonezia.

“Nasaun Timor-Leste banhira atu hetan nia independensia Timor oan rihun ba rihun mak mate ba rai ida neé molok atu hetan ukun rasik aán” Dehan Ministru Justica Dionísio Babo
MJ mos informa tan katak hafoin Timor Leste hetan independensia Timor-Leste dezenvolve makas liu ih seitor edukasaun tamba Timor-Leste hetan nia rendementu neébe boót mai husi rekursu Naturasi hanesan Mina no gas.

Timor-Leste hanesan nasaun demokratiku no haláo nai prosesu toma hodi estabelese sistema judicial foun oinsa harií justica no lori justica ba to’o iha povu, hodi halakon kiak, mukit,hamlaha, no halakon alfabetizasaun iha Timor Leste no rehabilita fali infrastrutura neébe hetan estragus banhira atu hetan Independensia
”Ami hahu husi Zero no agora dadaun ami konsege resolve hodi servi povu tomak hodi hetan justice neébe justu no ami hateten katak semak halo krimi tenke hetan kastigu no vitima tenke hetan asistensia legal husi defensoria publiku” Dehan Babo.

Ministru Justica Dionísio Babo hetan nia PhD iha area Antropologia husi Australian National Univesity, nébe halaó pesikiza focus liu ba iha Dezenvolvimentu Politika no Sosial iha Timor Leste durante preparasaun ba Independensia 1999-2002
DR Dionísio Babo assume kargu hanesan Ministru Justica, Timor-Leste iha dia 8 Agostus 2012.

Bele asesu mos iha website www.bolton.ac.uk