Pante Macasar (Oeccuse), Vise Ministru Justisa Ivo Valente partisipa iha cerimonia Nasional loron Mundial Direito Labarik nian, nebe halao iha kampu futebol Oecusse, dia 1 de Junho de 2013. Partisipa mos membro governo balun hanesan Secretário Estado Segurança, komisária direito Labarik ( nudar Organizadora), reprezentante husi Ministério balun, hanesan MSS, Inspector Ministerio Justica, Directores no xhefe departamentos husi Ministeriu Justisa
Komisaun direito labarik nebe halao atividades oin-oin hodi hasoru loron Internasional ida nee, halao jogus oin-oin hodi anima labarik sira iha distrito neba , hanesan halai karong, tiru berlindes, certame, etc.

Apos entrega premios ba manain nain sira, Vice Ministru Justisa Ivo Valente hatoo diskursu haklaken importansia husi loron direito ba labarik sira, katak loron especial tebes ba oan sira, timor oan nia futuru mak iha ita nia oan sira nia liman, saida mak nudar inan-aman tenki halo ba oan sira, saida mak importante iha eskola ba professor sira atu prepara gerasaun foun sira, saida mak kada instituisaun ida tenki halo hodi prepara labarik sira iha era globalizasaun, atu kompete ho ema sira seluk husi rai seluk.

Ivo valente mos apela no husik hela mensagem ba inan aman, professores, timor oan tomak nebe responsabiliza ba oan sira, labarik sira, nebe hein sira nia futuru nabilan, atu muda hanoin ba oin ( Mudar a maneira de pensar ), katak uluk karik ita inan – aman hanoin atu tau prioridades ba ita nia vida buat seluk karik, ohin loron ita hotu tenki iha pensamento / hanoin komun ida deit, maka nudar proriedade numeru um prepara edukasaun ba ita nia oan sira, husik mensagem ba labarik sira atu tau as responsabilidade pricipal iha sira nia moris mak estuda, estuda, estuda..! atu hadook-an husi violensia.

So ho nune ita bele transforma moris diak liu ita ba alin / oan sira, labarik sira, ezemplo uluk ita iha sasan (karau) so ba karik halao Festa, ohin loron tenki muda, hanoin katak ita bele usa sasan nebe ita iha para bele fo eskola, eduka oan ba sira nian futuro atu desenvolve distritu ida ne, ita bot mak mata dala ba rai ida. Labarik sira mak importante ba distritu ida, hare sira ba eskola keta haluhan dader san hare prepara sira nia haihan, sira nia ropa, sira nia seguransa, sira nia livros / kadernos, e labele baku labarik ka ita nia oan sira !