Visita, Vise Ministru Justisa Ivo Valente ba enklave Oecusse hodi komemora loron mundial ba direito labarik, fo oportunidade seluk atu atende cerimonia Içar bandeira Nasional iha resinto futuru Edificio Municipio distritu Oecusse /aktual administrasaun Distrito Oecusse pante Makasar,dia 3 de Junho de 2013, tuku 08.30 vice Ministro sai nudar Inspetor da parada ba Içar bandeira, partisipa iha cerimonia nee Administrador distritu Oecusse Sr. Antonio da Cruz, Adjunto Administrador Sr. Cancio Coa, Diretores distritais husi reprezentasaun Ministerius tomak nebe iha Oecusse, hamutuk ho funsionarius tomak.

Intervensaun Vise MJ Ivo Valente hateten katak tinan hirak oin mai Oecusse sei sai Zona especial, pasu importante atu hare diferensa entre distritu seluk iha Timor – leste, la sufisiente atu hakerek deit iha konstituisaun ka iha lei sira, wainhira la defini saida mak especial ba Oecusse, fo hanoin ba Funsionarios sira tomak, atu iha espiritu servi estado/ servi povu ho professional, hametin linha de koordenasaun entre Ministerius sira iha Oecusse, liu-liu koordenasaun ho Ministeriu Justisa, dirasaun terras e propriedades, tamba iha future sei iha kontrusaun sira barak iha Distritu ida nee, sei persica harmonisa konstrusaun ka dezenvolvimentu ida integradu ho Master plane nebe prepara ona atu implementa iha Oecusse, Ema barak/ estrangeiros sei iha interrese atu tama mai Oecusse, ho nune, Agrikultor, peskadores sira, ema nebe hakiak animal, hahu ohin ba oin tenki servisu makaas, atu aproveita oportunidade nebe sei mai iha Oecusse, se la preparadu ema seluk mak sei aproveita oportunidade nebe oferese ba Oecusse oan sira.

Husu mos atu populasaun / povu atu labele faan rai ka uma, tanto uma / rai privado nune mos uma ka rai estado, tamba sei bele hamosu konsekui - ensias oin-oin iha future, ba razaun legalidade, responsabilidades sivil, nune mos impaktu social ekonomia ba komunidade Oecusse oan rasik. Refere mos disiplina no komitementu ba interres atu atingi objective Nasional Timor - Leste nian nebe hakerek ona iha Konstituisaun RDTL.

Içar bandeira Nasional termina iha tuku 9:15, Vise MJ sei halao encontro ho funsionarius Ministeriu Justisa, Registo Notariado no Terras e Propriedades.
Enkontro Interno :
Iha oras 9:35 Vise MJ halao enkontro ho dirasau 2, Registo Notariado director Sr. Rui Moniz Pereira, nebe relata katak FP Dirasaun ida nee hamutuk : funsionariu permanente 8. Terras e Propriedadaes director Sr. Julio Coel, funsionarius 22 (permanente 9, Casuais 13).

Vise Ministru Justisa Ivo Valente, hato nia intervensaun kona – ba, objectivo prinsipal halao visita ba distritu tomak iha Timor – Leste, atu hare besik servisu administrativus funsionarius Ministeriu Justisa nian iha distritu, dessimina mos sirkular husi Ministeriu Finanças nian kona – ba oinsa ezekuta orsamentu iha kada dirasaun (liu – liu orsamentu ba Imprest Fund / fundu ba adiantamento), identifika mos difikuldades, barreira ba komunikasaun entre governu central ho distrital sira hanesan, linha internet nebe la funsiona iha distritu tomak.

Iha mos seksaun ikus ba enkontro ne, loke sesaun husu no hatan, nebe Vise MJ Ivo Valente rona barak funsionarius ható o sira nian prekupasaun ba sira nian estatuto, sira nian promosaun karreira, fasilitas transportes. Vise MJ Ivo Valente fo mensagem ikus ba Funsionarius Publiku iha distritu ne katak percisa nafatin hadia mekanismu de prestasaun servisu nian, ba sa Oecusse oan sira halao hela esforsu atu implementa Municipio / Zona especial iha tinan hirak oin mai.

Parabens ba Povu Atoi...