Manchester-Ministru Justica, Dionisio Babo halo Reiniaun ho Timor oan neébe agora dadaun hela iha Manchester hodi halo sira nia atividade e mos Timor oan balu halao hela sira nia estudu iha neéba, hodi rona sira nia difikuldade neébe durante neé sira infrenta.
Tuir Luis Ximenes Corte Real Timor oan neébe hela iha Manchester informa ba Ministru Justica, Dionisio Babo katak durante neé governu Timor Leste seidauk iha embaixada iha London tamba neé ami husu liu husi Ministru Justica, atu bele informa ba iha Estadu Timor-Leste atu bele harií Embaixada Timor-Leste iha London.

“Ami Timor oan barak mak agora hela iha London maibe ami hasoru problema barak tamba ami nia visa mate no oinsa mak governu bele fasilita ami nian passaporte banhira mai nia surat mate ”Dehan Luis Ximenes Corte Real iha Manchester Segunda (03/06).

Hatan ba kestaun neé Ministru Justica,Dionisio Babo hateten katak governu liu husi Ministeriu Negosio Estranjeiru iha tempu besik mos sei estabelese tan Emabaixada Timor iha London hodi fasilita Timor oan barak mak hela iha neé hodi servisu.

“Governu Timor-Leste liu husi MNE atu harií tan embaixada Timor nia iha London iha tempu besik tamba neé imi lalika laran tres,inportante ba imi hotu neébe servisu iha neé tenke hatudu nafatin ita boót sira nai disipilina no tenke aprende tan atu nune fila ba Timor-Leste bele inplementa saida deit mak ita boot sira hetan iha neé”Dehan Ministru Justica, Dionisio Babo.