Dili, Vise Ministru Justisa Ivo Valente, partisipa Conferencia Internacional Sobre Decentralização e Poder Local iha CCD, loron 28, 29 de Maiu 2013, sorumutu ne mos partisipa husi membros V Governu Konstitusional, Administrador husi distritu 13 iha timor laran tomak, no ho paiz amigos hanesan, Portugal, Indonesia, Australia, Cabo Verde etc. Sorumutu organisa husi MAE, ho agenda abertura intervensaun husi S.E. Sr. Primeiro Ministru Kay Rala Xanana Gusmão.
Husi intervesaun E. S. Kay Rala Xanana Gusmão, husu ba paizes amigos /irmaos sira para bele ható o sira nia experencias kona – ba decentralização hanesan Municipio nebe halao ona iha sira nian rai neba. Sr. Xanana mos hateten iha debate ne bele iha resultado no futuro diak ba ita nian Nasaun doben ida ne, e mos bele transforma kada Aldeia no Suku iha paiz ida ne. Husu ba partisipante sira rona ho diak – diak hodi ba explika iha distritu Timor laran hotu, dehan Sr. Xanana. Municipio sei halao iha distritu 3 ou 5 ba tinan 2015 oin mai.

Sorumutu nebe halao loron 2, rona oradores sira lubuk ida husi paizes amigos, kona - ba konseitu, teoria ba Municipio, koalia mos kona - ba vantagem no desvantagem ba modelu Municipios sira nian iha Mundu, estuda no kompara sistema Municipios sira iha rejiaun mundo nian, halo komparasaun atu hetan resultadu ida adequado ba sistema nebe bele aplika iha futuru ba Timor - Leste.