Dili-Ministeriu Justica,liu husi Diresaun Nasional Serviços Prisionais e de Reinserção Social (DNSPRS) tinan-tinan haláo atividade jogus amizade entre prizoneirus sira iha Becora hodi selebra loron Independesia Timor Leste ba dala XI,objektivu halo atividade ida neé atu hametin relasaun diak entre prizoneirus ho prizoneirus seluk e mos ho guarda Prizaun sira.Tuir Ministru Justica,Dionisio Babo iha enseramentu neé hateten katak ohin hanesan oportunidade diak tebes hodi mai hamotuk fali ho ita boót sira iha fatin ida neé hodi ensera jogus amizade entre ita boót sira ho guarda Prizaun sira hodi komemora loron restaurasaun Independesia Timor Leste nia.

“Ita boót sira hanesan dadur laos atu lakon ita boót sira nia direitu maibe ita boót sira lakon deit liberdade atu halo movimentu tuir ita boót sira nia hakarak,fatin ida neé laos fatin atu kastigu ita boót sira e laos fatin infernu maibe fatin atu eduka ita boót sira atu nune fila fali ba sosiadade nia let bele kontribui ba dezenvolvimentu paiz ida neé tamba nasaun ida neé presija ita hotu nia kontribuisaun”Dehan Ministru Justica,Dionisio Babo hafoin ensera jogus amizade iha Prizaun Becora Kuinta (23/05).

Eis Komisariu CVA neé mos informa katak inportante mak ita bo’ot sira tenke konhese lai ita boót sira nai aán rasik atu nune bele kontrola aán tamba buat neé ita boót sira komete laos ita boót sira nia hakarak maibe ida neé hanesan tentasaun ida ita boót sira komete liu tea mak foin hakfodak maibe liu tea ona
Iha ita nia Konstituisaun la iha lei ida atu fo kastigu ema ida neébe komete krimi toó mate iha kadeia (Pena de morte ) tamba neé hau (MJ) husu nafatin ba ita bóot sira atu kumpri regras neébe estabele ona iha prizaun ida neé.

Iha enseramentu jugos neé partisipa husi Ministru Justica,Dionisio Babo,Arjuntu PDHJ Silveiro Pinto, reprezentante husi doadores Caritas Australi,Pradet,Direitur (DNSPRS) Helder Gosme no guarda Prizaun sira hotu.