Dili-Ministru Justica,Dionisio Babo hateten katak selebrasaun loron restaurasaun independensia Timor Leste ba dala Sanulu resin ida tinan ida neé Prezidente da Republika Taur Matan Ruak la fo indultu ba Prizoneirus sira tamba sei dauk iha pedidu atu fo indultu ba prizoneirus ida neébe merese atu hetan indultu husi Prezedente da Republika.“Prezidente Taur Matan Ruak mos promote sei la fo indultu ba Prizoneirus sira neébe komete Krimi homesidu no abuzu seksual neé, ba prizoneirus sira neébe komete krimi seluk sei hetan indultu maibe tenke kumpri kriteria neébe estabelese ona iha prizaun e mos tenke kumpri lai metade da pena no tenke hatudu disiplina e komportamentu diak” Dehan Ministru Justica, Dionisio Babo hafoin Partsipa iha Selebrasaun Loron Independensia iha Palacio Prezidente Aitrak Laran,Segunda (20/05).

MJ mos informa tan katak atu fo indultu ba prizoneirus ida neé kompetensia Prezidente da Republika nia tuir ita nia lei haruk, Ministeriu Justica iha kompetensia atu rekomenda ba Prezidente mas atu fo indultu neé depende husi Prezidente da Republika.