Dili-Ministru Justica,Dionisio Babo Partisipa iha serimonia komemorasaun loron aniversariu independensia Timor Leste ba dala XI iha Palacio Prezidente Aitarak Laran Dili,Segunda (20/05).

Tuir Prezidente da Republika Taur Matan Ruak iha Diskursu hateten katak ita hotu halibur dala ida tan,hodi komemora aniversariu 20 de Maio nian ba dala sanulu resin ida prioridade sira nasaun nia agora daudaun no mos kona ba saida mak ita halo tia ona.

Povu Timor Leste nian konsege alkansa Vitoria tanba ninia unidade no determinasaun,tamba povu neé prontu atu sakrifika buat hotu-hotu ba liberdade no soberania nasaional,ita luta ho laran metin hodi kaer rasik kuda talin iha dalan atu harií ita nia futuru durante tinan 24 ita iha vizaun nasional neébe povu tomak nia no ida neé maka sai ita nia matadalan.

“Ita mos presija aparellu estadu neébe efisente duni atu bele haláo ba oin prioridade nasional dezenvolvimentu nian,e ita tenke servisu atu hadia lalais kualidade Administrasaun publiku nia estadu sei dauk toó iha fatin hotu-hotu iha rai laran no ita tenke konsege lori servisu publiku sira”Dehan Prezidente Taur Matan Ruak hafoin halo diskursu iha serimonia aniversariu 20 de Maio iha Palacio Aitarak Laran Dili,Segunda (20/05).

PR mos informa tan katak ita nia nasaun lalo dadaun iha momentu especial,istoriku ne’bee fo oportinidade ba ita atu ajuda dezena ita nia futuru no moderniza ita nia sosiedade no reforsa ita nia entidade no aproveita valor sira ne’bee diak husi nia tradisaun Timor oan sira hotu tenke partisipa atu halo ita nia sosiedade no ita nia nasaun sai diak liu tan.