Viqueque-Ministru Justica,Dionisio Babo akompania Primeiru Ministru Kay Rala Xanana Gusamao Durante loron lima nia laran hodi halo divulgasaun kamara Munisipiu iha Distritu Viqueque,Lautem,no Baucau hahu iha 15 toó 18 Maio,objektivu iha divulgasaun neé atu halibur Intelektual sira iha Distritu hotu-hotu atu bele tau hamotuk hanoin no ideias hodi diskuti molok atu simu kamara munisipiu ka Poder local iha distritu ida-idak.

Tuir Primeiru Ministru Kay Rala Xanana Gusmao iha Divulgasaun neé hateten katak Distritu neébe atu simu kamara munisipiu ka poder local tenke preparadu se la preparadu sei la simu munisipiu,oinsa mak imi atu preparadu atu simu intelektuais sira tenke hamotuk hodi diskuti povu iha distritu ida neé nia moris.

“Husu ba intelektuais sira liu-liu iha Distritu Viqueque,Lautem,Baucau halo planu ida neé refleta ho kondisaun povu nia moris atu nune bele responde povu nia ejijensia, husu mos ba intelektual sira atu lalika halo planu ida neé aás tebes semo hanesan aviaun tamba planu neébe ita boót sira halo mesak deit la mai konsulta ho povu sira e povu rasik la sente saida mak ukun rasik aán”Dehan Primeiru Ministru Kay Rala Xanana Gusamao hafoin halo Divulgasaun Munisipiu iha Distritu Lautem Kuinta (16/05).

PM mos informa tan katak uluk ita iha prinsipiu luta atu liberta rai ida neé husi kolonialismu no ohin loron tempu toó ita atu luta hodi hasai povu husi kiak no mukit saida mak ejiji ita hotu atu halo hodi hasai povu husi kiak no mukit ita tenke hamotuk se lae ita susar.