Lautem, Vise Ministru Justisa Ivo Valente hamutuk ho Chefe Gabinete VMJ Sr. Julio Tilman, halao vizita servisu ba iha distritu Lautem hodi hare besik servisu iha dirasaun 2, Registo Sivil no dirasaun Terras e propriedades, atu hare besik funsionamentu no identifika obstakulos/ desafius nebe dirasaun distrital sira hasoru.Regista mos katak, forsa de servisu ( funsionarius publiku-iha dirasaun distrital Registo Sivil ) hamutuk ema nain 5, noo iha Dirasaun distrital Terras e Propriedades nain 17 ( 6 Permanente, 11 Casuais). Iha sorumutu ne, ekipa Nasional nebe akompanha Vice Ministru Justisa rona relatorio husi Directores distritais nain 2, nebe Senhora Directora Regina de Jesus Ribeiro, explika situasaun aktual no difikuldades nebe dirasaun nee hasoru, hanesan distribuisaun de senhas ba kombostivel, nune mos questaun hanesan foti husi Director registu sivil Lautem Sr.Joao do Rego subliinha liu tan.

Vise Ministru Justisa Ivo Valente, hato nia intervensaun kona - ba, objectivo prinsipal halao visita ne ba distritus tomak iha Timor - Leste, atu hare besik servisu administrativus iha distritus, identifika obstakulos nebe hasoru, rona no konhese diak kapasidade husi funsionarius Ministeriu Justisa nian iha distritus, dessimina mos sirkular husi Ministeriu Financas nian kona - ba oinsa ezekuta orsamentu iha kada dirasaun ( liu-liu orsamentu ba Imprest Fund / fundu ba adiantamento ), identifika mos difikuldades nudar barreira ba komunikasaun entre governu central no distritais sira maka hanesan, linha internet nebe la funsiona iha distritus tomak.

Iha seksaun ikus ba enkontru ne, loke sesaun perguntas no hatan, nebe Vise Ministru Justisa Ivo Valente, rona barak funsionarius tomak nian preukupasaun ba sira nia estatuto, ba sira nia promosaun de karreiras, ba sira nia fasilidades transportes, komunikasaun no ekipamentus nebe bele apoiu sira nian servisu diaria, hanesan iha DTPSC distritu Lautem, sediauk hetan camera, GPS etc..nebe sufisiente ba sira nian aktividades profesional.

Nune, mos hanoin husi Dirasaun distrital kona - ba politika kampanha Nasional ba Resgitu Labarik Moris tinan 0 too tinan 5 iha distritu Lautem sediauk instala ofisial husi dirasaun distrital iha Hospital Lautem atu regista Labarik Moris.
Iha mos mensagem ikus ba Funsionario Publiku iha Distritu ne husi Sr.Ivo Valente, katak, percisa nafatin hadia mekanismu de prestasaun servisu nian, basa ,..lautem Moko sira halao hela esforsu atu implementa Munisipio iha tinan hira oin mai,..katak prestasaun kada dirasaun reprezenta kapasidade Ministeriu no kapasidade rekursus humanus distritu nian hodi sukat , ba kbiit hari Munisipio.