Dili-Ministru Justisa,Dionisio Babo lidera Reuniaun Konselhu Gestaun (RKG) hodi diskuti asuntu global liu-liu kona ba setor justisa iha Timor Leste,iha reuniaun neé mos diskuti oinsa iha futuru atu hadia kualidade majestradu nian e mesmu tempu prepara formadores Timor oan sira atu bele hanorin iha Sentru Formasaun Juridiku (CFJ) hodi akompania formadores internasional sira neébe durante neé fo formasaun ba formandus Timor oan sira neébe tuir hela formasaun iha area spesifiku hanesan Defensoria Publiku,Advogadu Pribadu,Juiz,no Ministeriu Publiku.

Iha reuniaun neé Ministru Justisa,Dionisio Babo hateten katak planu ba rekrutamentu formandus foun ba tinan ida neé hanesan kontinuasaun ba programa neébe halo ona durante neé tamba neé ohin ita diskuti hodi tau hamotuk opiniuan no sujestaun atu bele prepara rekursu humanus iha setor judisiariu nia iha futuru.

“Durante neé CFJ uza formatu tuir nesesidade neébe ita iha no agora ita prepara Centru ida neé atu sai Centru Formasaun Juridiku ida neé diak iha futuru atu bele prepara rekursu humanus iha seitor justica ho kualidade neébe diak”Dehan Ministru Justisa,Dionisio Babo hafoin lidera reuniaun iha CFJ Kaicoli Dili,Segunda (13/05).

Prezidente Konselhu Superior Defensoria Publiku infoma tan katak durante née governu prepara hotu kondisaun neébe diak ba formadus sira neébe mai tuir formasaun iha Sentru ida neé alende ida neé sira mos hetan subsidiu husi governu maibe ba futuru ita tenke dimenui (Hamenus) tamba durante neé orsamentu ba rekursu humanus ba seitor justica boót tebes tamba neé iha futuru ita presija atu hare ida neé.

Iha parte seluk Prezidente Tribunal Rekursu Claudio Ximenes informa katak prezensa profesores Internasional sira inportante tebes mas ita mos presija atu hare profesores internasion tenke iha area espesifiku hodi fo formasaun ba formandus sira se lae ita mak nafatin hela deit tamba neé iha futuru ita presija hadi, hodi hare mos profesores Timor oan sira hodi akompania sira atu nune ba futuru ita mos bele kaer mesak Centru ida neé.

Iha fatin hanesan mos Defensoria Publiku Jeral Sergio Hornai informa mos katak ita lalika loke odomatan luan demais ba profesores internasional sira demais tamba ita nasaun soberanu tamba neé presija regula sira.

Iha reuniaun neé Partisipa husi Ministru Justica,Dionisio Babo,Prezidente Tribunal Rekursu Claudio Ximenes,Ministeriu Publiku Jose Ximenes,Defensoria Publiku Jeral Sergio Hornai no Assesor Internasional sira.