Dili-Ministru Justisa, Dionisio Babo partisipa Worshop Yellow Road neébe organiza husi Ministeriu Finansas durante loron rua hodi diskuti asuntu inportante hanesan “Timor-Leste Agora iha neébe,no Timor-Leste atu ba neébe” assuntu ida neé mak sai diskusaun entre Membru V Governu Konstitusional hodi atinji ba Planu Estrajiku Dezenvolvimentu Nasional ba tinan 2030,worshop neé halaó iha Sala Reiniau Ministeriu Negosio Estranjeiru Quinta (09/05).

Tuir Ministra Finansa Emilia Pires iha abertura Worshop neé hateten katak objektivu prinsipal husi worshop ida neé atu disidi emvelope fiscal ba tinan 2014 emvelope fiscal neé estabelese montante ba depezas iha orsamentu 2014 neé mos hatudu oinsa governu sei selu ba depezas neé liu husi reseitas domestiku levantamentu husi fundu Petroliferu.

“Inflasaun iha Timor Leste korentemente toó 10.9% neé aás liu husi targetu SDP nia mak 4% toó 6% no mos aás liu hus paiz seluk iha Azia.inflasaun iha Timor Leste agora sae liu ona tinan rua nia laran neé ”Dehan MF Emilia Pires.

Partisipa iha worshop neé Vise Primeiru Ministru Fernando Lasama,Ministru Justisa Dionisio Babo,akompania husi Vice Ministru Ivo Valente,no membru V governu Konstitusional tomak no Direitur Nasional husi Ministeriu hotu.