Dili-Prezidente Konselhu Superior Defensoria Publiku atual Ministru Justisa,Dionisio Babo lidera reiniaun Konselhu Superior Defensoria Publiku hodi diskuti assuntu jeral Defensoria Publiku liu-liu kona ba oinsa Defensoria Publiku atu bele fo asistensia legal ba komunidade sira banhira julgamentu iha Tribunal e mesmu tempu diskuti mos prezensa Defensoria Publiku internasional sira nia atu bele fo ajuda ba servisu defensoria publiku halo durante neé,reiniaun neé halaó iha Gabinete Ministeriu Justisa,Kaikoli Dili Tersa (08/09).

Tuir Prezidente Konselhu Superior Defensoria Publiku,Dionisio Babo iha reiniaun neé hateten katak diskusaun ida ohin inportante tebes e intresadu tebes ba konselhu ida neé atu bele tur hamotuk hodi diskuti asuntu jeral ba Defensoria Publiku tamba papel Defensoria publiku inportante tebes iha paiz ida neé.

“Papel defensoria Publiku inportante tebes hodi fo asistensia legal ba komunidades sira liu-liu sira neébe kbit laek banhira atu asesu ba justica iha Tribunal inportante mak atu hatudu nafatin profesionalismu hodi fo asistenisa legal ba ita nia povu” Dehan Prezidente Konselhu Superior Defensoria Publiku (PKSDP) Dionisio Babo.

PKSDP mos informa tan agora dadaun Defensoria Publiku sei iha Ministeriu Justisa nia okos ita fiar katak iha futuru Defensoria Publiku mos hamrik hanesan autonomo hanesan mos Tribunal Rekursu no Ministeriu Publiku, hodi estabelese delegasaun ba toó Distritu sira tamba ita mak tenke lori jusitsa ba toó iha povu nia let.

Iha fatin seluk Defensoria Publiku Jeral Sergio Hornai hateten katak prezensa defensoria publiku internasional inportante tebes atu bele ajuda servisu defensoria publiku nasional hodi fo asistensia legal ba komunidade e mesmu tempu atu bele halo rotasaun ba defensoria publiku neébe halao sira nia servisu iha Distritu.