Ainaro, Vise Ministru Justisa, Ivo Valente ofisialmente halão lansamentu moibilizasaun ba registo moris labarik ho tinan 0 too tinan 5 iha distritu Ainaro, loron sexta-feira, dia 3 de Maio de 2013, ho objectivu atu mobiliza konsiensia sidadaun Timor oan nian, liu-liu sidadaun sira iha distritu Ainaro atu lori labarik sira foin moris hodi regista, assaun ida nebe tenki hetan partisipasaun husi entidades Estado sira tomak.

Hafoin lansamentu Vise Ministru Justisa, Ivo Valente iha nian intervesaun hateten katak lansamentu /kampanha mobilizasaun registo moris ba labarik idade 0 – 5 ne importante tebes hodi assegura identidade labarik Timor oan nian, hodi protégé labarik sira husi hahalok krime oin-oin, hanesan violasaun sexual, abuso ho forma oin2 hasoru labarik sira, fo mos baze legal ba labarik nian identidade prinsipal hodi bele assesu ba Edukasaun, saude etc.

Vise Ministru Justisa Ivo Valente, akompanha husi dirasaun DNRN Directora Nasional Dra. Fatima de Araujo, Director/ conservador distrital Ainaro, noo director distrital Terras Ainaro nian, Xefe gabinete VMJ Sr. Julio Tilman, hamutuk ho dirigentes distritais hanesan Administrador Adjunto Distritu Ainaro Sr. Francisco Barros, Komandante PNTL distritu Ainaro Sr. Albino Musinho, Komandante FDTL sub distritu Ainaro Sr. Domingos Pereira, no funsionarius publiku iha fatin refere.

Iha nia enseramentu apos liu tiha agenda lubuk ida, Ministerio Justica, liu husi VMJ reafirma nia agradesimentu ba apoiu sira nebe entidades balun fo ba Governo Timor - Leste, hanesan UNICEF, nune mos apresia tebes esforsu husi parseiros nasional sira seluk, hanesan Ministerio Saude, Edukasaun, Promosaun Igualdade, Administrador Distritus noo sub distritus sira, chefe suku ( konselho de suko), PNTL no F.FDTL nebe fo apoiu tomak atu hetan suksesu ba kampanha nasional ida nee..