Dili- Ministru Justisa halo enseramentu ba Konsultasaun publiku ba Esbosu Lei Rai, nebe durante neé haláo hela konsultasaun publiku hodi simu komentariu no submisaun mai husi sosiadade sivil, ONG Internasional, Relijaun, Akademika, mai Ministeriu Justisa hodi tau hamotuk ho esbosu lei rai 3 hanesan Lei das Expropriações, Lei do Fundo Financeiro Imobiliário, Regime Especial para a Definição da Titularidade de Bens Imóveis, neé hodi haruka ba konselhu Ministru hodi diskuti molok atu haruka ba Parlamentu Nasional.

Tuir Ministru Justisa, Dionsio Babo hatete, sosializasaun lei rai ninia remata ona,ohin halo enseramentu ona ba konsultasaun publiku hodi taka ona tamba durante halo konsultasaun simu ona submisaun por eskrita husi Sosiadade sivil, Akademia, ONG nasional no Internasional sira e entidade sira hotu hatama ona sira nia komentariu no sira nia submisaun hamotuk 18.

“ Lei rai nain ami halo alterasaun lubuk ida hodi bele akumula no interese situasaun iha rai laran bazea ba konstitusaun rai laran nebe ulun boot sira aprova tiha ona,iha submisaun neé iha mateira rua hanesan material tekniku ami diskuti hotu ona e material Politika ami sei tau hamotuk hodi haruka ba Parlamentu Nasional atu disidi” dehan Ministru Justisa Dionisio Babo ba Jonalista Siegunda (29/04) iha salaun Edifisiu JL Villas Fatuhada.

Lei foun nebe kintu governu konstitusional prepara tuir Ministru Justisa katak sei fo oportunidade barak ba sidadaun timor oan tomak atu asesu ba rai maibe tenki tuir lei no sei fo garante ba atribusaun direitu nebe mak iha no fo rekonhesimentu ba titlu sira nebe uluk iha tiha ona.

MJ informa tan katak lei rai nee’e fo oportunidade ba timor oan nebe iha rai maibe la hetan titularidade sei hetan rekoinesementu bazea ba rikusoin nebe mak iha, lei nebe mak iha sei buka mekanismu atu bele garante sidadaun hotu-hotu iha posibilidade atu hatan rai tuir lei, sei laiha impedementu.

“ lei ne’e koalia mos kona ba fo pose ba sidadaun sira nebe iha rai barak agora dadaun nee’e mos posse ba rai uluk nebe mak iha maske iha diferensia entre propriedade perpeita no liu abordamentu estadu nian atu nune iha ekilibriu ida atu nune ema seluk labele iha vantajen liu fali ema seluk,,” esplika MJ
Iha enseramentu neé partisipa husi Ministru Justica, Dionisio Babo,Vice Ministru Justica, Ivo Valente, Sekretariu Estado Terras e Propridade Jaime Xavier, inklui mos sosiadade sivil no estudante sira.