Dili-Tuir Ministru Justica,Dionisio Babo hateten katak sei esforsu aán hodi hasae kualidade majestradu timor oan ne’ebe tuir formasaun iha Centru Formasau Juridico (CFJ) atu nune bele iha kualidade neébe diak hodi garantia justica iha Timor Leste. “esforsu neé hahu husi IV governu Konstituisional nia tempu no agora mos Ministeriu Justica iha ona politika foun atu halo selesaun ba dala rua ou dala tolu ba kandidatura sira neébe mai tuir Tes atu tama ba formasaun e mos tenke prense criteria ne’ebe
iha, tuir numeru ne’ebe mak ita targetu ona “Dehan Ministru Justica Dionisio Babo iha hafoin partisipa iha Tomada de posse Procuradoria foun iha Segunda (15/04)
MJ mos informa tan katak iha CFJ neé ba majestradu sira ne’e uluk kedas toó agora sira hetan subsidiu oituan husi governu,atu nune sira labele prekupa fali sira nia atividade sira seluk maibe loro-loron sira konsentra deit ho sira nia formasaun,atu nune banhira sira graduasaun sira bele sai majestradu neébe diak hodi kontribui ba nasaun ida neé.

Formasaun iha CFJ neé mos iha pakote ida durante fulan tolu (3) ho fulan nen (6) formandores sira sei ba tuir treinamentu ou pratika tan iha Portugal no Kavo-Berde e agora dadaun ita iha 30 pessoa advogado privadu mak ba pratika iha Kavo-Berde no mos Timor oan lubuk ida sei tuir hela treinamentu Koservatoriu iha Portugal no sira mak sei sai notariu primeiru iha Timor Leste.
Ministru mos salienta tan katak ba tinan ida neé Ministeriu Justica mos tau nafatin orsamentu ba Kapital Humanu hodi bele fasilita nafatin treinamentu ba majestradu sira no kontinua fo formasaun ba maluk sira neébe pasa iha selesaun hodi tuir tan formasaun hodi sai tan Majestradu iha futuru.