PR Husu MJ Atu Aumenta Rekursu Umanu iha Seitor Justica
Dili-Prezidente da Republika Taur Matan Ruak husu ba Ministru Justica atu aumenta tan rekursu umanu iha seitor Justica iha Timor Leste tamba durante neé rekursu umanu iha seitor Justica menus tebes, banhria hau (PR) halo reiniaun ho Prezidente Tribunal Rekursu Claudio Ximenes informa katak “ ami loke vaga 45 ema neébe mai apply hamotuk 400 resin maibe toó selesaun documentus la pasa hotu no la priense vaga neébe ami husu tamba ema menus liu”.
Hatan ba kestaun neé Ministru Justica, Dionisio Babo informa katak rekusru umanu iha seitor justica menus tebes hanesan ohin Prezidente da Republika mensiona maibe Ministeriu Justica atrabez liu husi Centro formasaun Juridico (CFJ) tinan-tinan sempre fo formasaun ba Timor oan hodi sai Juiz, procurador, defensoria, Advogado pribadu atu nune bele aumenta tan ita nia rekursu umanu iha Timor-Leste liu-liu iha Seitor Justica nia hodi lori justica ba toó iha Povu.
“Rekursu umanu iha seitor justica menus tebes hanesan ohin PR hateten ona maibe Ministeriu Justica iha politika hodi loke Centoru Formasaun Juridiku hodi kapasita no fo formasaun ba Timor oan liu-liu sira neébe remata ona sira nia estudu iha area Direitu atu bele mai tuir formasaun iha Centru Formasaun Juridiku ” Dehan Ministru Justica Dionisio Babo hafoin partisipa iha serimonia tomada de Posse ba PJR foun iha Palacio Prezidensial,Aitarak Laran Dili,Segunda (15/04)
MJ mos informa tan katak hafoin tuir formasaun iha CFJ Ministeriu Justica mos haruka formandus sira ba tuir tan pratika iha Portugal no Cabo Verde hodi aumetan tan sira nia kapasidade ita fiar katak ba futuru bele ona responde ejijensia neébe ita iha liu-liu atu bele lori justica neé ba to’o povu
Agora dadaun neé mos formasaun sei gratuita sei hetan finanseiro husi estadu hodi selu ba formandus sira neébe mai tuir formasaun tamba formandus sira mos presija atu nune sira hare deit formasaun atu lalika buka tan servisu maibe sira focus liu mak ba formasaun, neé primeira vez ita nia nasaun Timor Leste mak halo ida neé haruka ema mai tuir formasaun gratuita depois estadu selu tan.
