Covalima-Ministru Justica, Dionisio Babo hafoin remata iha lansamentu kampania mobilizasaun registo moris nia iha Covalima, hodi kontinua akompania Primeiru Ministru Kay Rala Xanana Gusamo hodi halo konsultasaun publiku ba Desentralizasaun poder local iha Distritu Covalima Sabadu (12/04) foin dadaun neé. Iha Konsultasaun neé Primeiru Ministru Kay Rala Xanana Gusmao hateten katak ohin mai ita hamotuk ida neé atu fo hanoin no tau hamotuk hanoin liu-liu ba matenek oan Distritu ida neé
tanke hamotuk hodi indentifika problema neébe Distritu Covalima infrenta tamba atu sai munisipiu laos buat fasil maibe difisil tebes tamba neé intelektual sira tenke tau hamotuk opiniaun no hanoin hodi diskuti hamotuk molok atu implementa munisipiu iha Distirtu ida neé.

“Husu ba intelektual iha Covalima atu tau hamotuk hanoin no opiniaun hodi diskuti hamotuk problema sai mak durante née mosu iha Distritu ida neé tenke hamotuk tamba atu implementa munisipiu laos fasil maibe presija ita hotu nian kontribuisaun tamba tempu toó ona povu atu moris diak banhira matenek iha Covalima la hamotuk hau (PM) sei la fo munisipiu ba ita boót sira tamba sei dauk bele” Dehan PM
PM mos informa tan katak husu ba seitor hotu-hotu liu-liu seitor pribadu atu prepara aán ho diak banhira implementa munisipiu tamba agora dadaun seitor pribadu sei dauk forte tamba saida mak la forte tamba halo projeitu ida la iha kualidade presija atu hadia áan bainhira kaer munisipiu ita mak la hadia aán ita mak nune'e hela deit.