MJ Halo Lansamentu ba Registo Moris Labarik Idade 0-5 Nia Iha Suai
Covalima-Ministru Justica, Dionísio Babo ofisialmente loke abertura ba lansamentu ba registo labarik idade tinan 0-5 foin mak moris mai tenke ba halo registo iha Ministeriu Justica liu husi Diresaun Nasional Registo Notariadu (DNRN) hodi hetan sertidaun RDTL hodi sai hanesan Sidadaun Timor Leste,lansamentu neé halao iha edifisiu DNRN Distritu Covalima Sabadu (12/04).
Hafoin halo Lansamentu Ministru Justica, Dionísio Babo iha Diskursu hateten katak lansamentu kona ba kampania mobilizasaun registo moris ba ita nia povu iha paiz ida neé liu-liu ba labarik idade 0-5 neé inportante tebes hodi marka istoria foun ida ba ita nia rai tamba bele fo rekonhesementu ba labarik sira neébe foin mak moris mai bele sai hanesan sidadaun Timor Leste tamba iha ona sertidaun RDTL.
“Hau (MJ) fo parabens ba ita hotu liu-liu organizasaun internasional hanesan UNICEF,no governu hanesan Ministeriu SAUDE,Ministeriu Edukasaun,no sira seluk neébe sempre fo apoiu maximu ba programa ida neé tamba neé ohin hanesan primeira lansamentu kona ba kampania mobilizasaun registo moris ba labarik sira neébe foin mak moris mai ”Dehan Ministru Justica Dionsio Babo.
MJ Babo mos informa tan katak husu ba komunidade liu-liu inan feton sira iha teritoria Timor Leste tomak katak banhira partus pelumenus liu loron 20-30 tenke lori kedan bebe ne ba halo registo moris nia iha sentor de saude,e mos iha Diresaun Notariadu neébe agora dadaun estabele ona iha distiritu hotu-hotu atu bele hetan sertidaun RDTL hodi sai hanesan sidadaun Timor Leste.
Iha fatin seluk Diretora Nasional Registo Notariadu Maria do Rosario Fatima Castro de Aroju iha diskursu hateten katak ohin loron 12 de Abril loron neébe haláo lansamentu realiza iha Distritu Covalima hodi hatutan kampania Mobilizasaun registo moris nia ba komunidade iha Distritu 64 ita Timor Laran tomak
“ho memorando de entendimento ida neé hahu halo kampania registo moris nia hahu iha loron 21-25 Fevereiro 2011 DNRN komesa distribui ona rezultadu Certidaun RDTL registo moris ba larabik idade 0-5 iha teritoria Timor laran tomak total hamotuk 63.317 ”Dehan Diretora DNRN.
