Dili-MinistruJustisa,Dionisio Babo Akompania husi Vise Ministru Ivo Valente iha Quarta Lokraik (03/04) iha sala Reiniaun Ministeriu Justica, halo reiniaun ho Direitor Nasional Tomak husi Ministeriu Justisa hodi fo orientasaun ba Diretór nasional tomak atu hatama planu asaun Trimestral iha semana ida neé nia laran molok atu submete ba Gabinete Primeiru Ministru. Hafoin halo reiniaun Ministru Justica, Dionisio Babo informa ba Direitór sira katak semana ida neé diretór hotu-hotu iha Ministeriu Justisa nia laran tenke hatama ona planu asaun Trimestal tamba despashu husi Primeiru Ministru Urjenti semana oin planu trimestal tenke submete ona ba iha Gabinete Primeiru Minsitru tamba neé ita tenke abitua hodi up date malu.

“sistema orsamentu jeral ba tinan ida neé foun tamba neé husu ita hotu tenke up date malu hodi hatama ona planu asaun trimestral ba Gabinete Primeiru Ministru nia tamba orentasaun mai husi superior hirarkia, tamba neé ejiji ita hotu tenke kumpri” dehan Ministru Justisa Dionisio Babo.

Ministru Justisa mos informa tan katak kada fulan tolu-tolu Ministeriu ida-idak tenke aprezenta nia relatoriu ejekusaun orsamentu ba Parlamentu Nasional durante fulan tolu nia laran gasta ona hira,no sei hela hira e mos aprezenta tan planu asaun ba fulan tolu oin mai saida mak atu halo tan iha fulan tolu oin no presija tan osan hira tamba neé ejiji ita hotu tenke servisu makas liu tan tamba sistema orsamentu tinan ida neé diferensia ho tinan uluk.

Iha reiniaun neé Ministru Justisa fo loron ikus ba Diretór Nasional tomak atu hatama Planu asaun trimestral ba Gabinete Ministru Justisa aban Sexta tuku 3:00 otl hafoin hasoru malu iha sala reiniaun Ministeriu Justisa nia.