Dili-Ministru Justisa,Dionisio Babo Akompania husi Primeira Dama Isabel Ferreira Quarta (03/04) halo vizita ba prizaun Becora hodi hare direitamente servisu guarda prizoneirus no difikuldade neébe durante neé guarda Prizoneirus sira hasoru no mesmu tempu halo vizita ba Prizoneirus sira hodi ható Boas Festa Santo Pascoa ba prizoneirus sira.

Tuir Guarda Prizaun Andre Corseiza hafoin halo enkontru hateten katak guarda prizoneiru presija atu hala kontinuasaun ba formasaun tamba ami tuir formasaun hafoin ami tama Guarda maibe depois ida neé mai paradu toó agora tamba neé ami husu ba Sua Ex Ministru Justisa atu bele halo kontinua formasaun ba ami guarda prizaun sira.

Aliende formasaun ami mos menus transporte liu-liu kareita Cedula atu tula prizoneirus sira banhira hetan mandatu husi Tribunal atu lori prizoneirus sira ba tuir julgamentu iha Tribunal liu-liu iha Tribunal Suai tamba dok liu tamba neé iha tempu besik tenke aloka tan kareita cedula neé mai iha prizaun Becora atu nune bele fasilita ami nia servisu ho diak.

Hatan ba kestau neé Ministru Justisa,Dionisio Babo hateten katak guarda Prizaun hanesan funsionariu Publiku tenke sujestu ba iha lei Funsaun Publiku iha mos rejimi espesial neébe determina professional guarda prizaun nia, no guarda prizaun iha estatutu espesial la hanesan ho funsionariu publiku maibe iha diferente ho funsionariu publiku sira seluk.

MJ mos informa tan katak kona ba Kareita ba tinan ida neé hanesan Primeiru Ministru hateten katak sei hadia uma laran tamba neé Ministeriu Justisa seidauk iha osan atu bele sosa kareita foun maibe sei halo manutensaun ba kareita neébe agora ita sei iha hela tamba tinan ida neé la iha orsamentu atu sosa kareita foun.