Dili-tuir Ministru Justisa,Dionisio Babo hateten katak Ema sidadaun Estranjeiru atu sai sidadaun Timor Leste tenke priense rekejitus laos nia hela keleur ona iha Timor no nia kaben ona Timor oan atu sai kedan sidadaun Timor Leste maibe otomatikamente tenke liu husi prosesu normal no priense rekejitus ne’ebe iha.

“Sidadaun Estaranjeiru atu sai Sidadaun Timor laos atu kaben ona Timor oan atu sai ona sidadaun Timor maibe tenke priense rekejitus ne’ebe iha no tenke hela metin iha Timor durante tinan lima nia laran la sai ba estranjeiru ”Dehan MJ Dionisio Babo hafoin partisipa iha selebrasaun loron PNLT iha Caicoli Quarta (27/03).

MJ mos Salienta tan katak durante ne’e estranjeiru ne’ebe kaben ho Timor oan barak liu sidadaun husi Indonezia sira laos mane deit mak kaben ho Timor oan maibe Timor oan mane mos kaben ho Sidadaun Indonezia feto sira iha tempu Indonezia kedan e laos deit Indonezia deit maibe husi mos nasaun seluk hanesan Portugal,China,no seluk tan.

“Sidadaun Estranjeiru atu sai sidadaun Timor tenke hatene lingua ofisial Timor nia e mos tenke hatene Istoria Timor nia no tenke liu husi Tes hafoin pasa mak foin bele sai sidadaun Timor Leste”Dehan MJ Babo.