Dili-Ministru Justisa,Dionisio Babo halo dispidida ho formandus Advogadu Pribadu sira molok desloka ba Cavo Verde hodi tuir formasaun durante fulan rua nia laran hodi aumenta tan kapasidade liu-liu iha area advogadu nia.

Hafoin halo dispidida Ministru Justisa,Dionisio Babo hateten katak formadus sira hotu atu aproveita oportinidade neebe governu fo hodi tuir formasaun iha Cavo-Verde atu nune bele aumenta tan kapasidade iha area advogadu nia.

“Hau (MJ) Husu ba imi hotu nudar Timor oan atu aproveita oportunidade ne’eb ita bo’ot sira hetan hodi ba tuir formasaun iha estranjeiru hodi aumenta tan ita bo’ot sira nia kapasidade hodi bele mai dezenvolve ita nia rai liu-liu seitor justisa nia iha Timor Leste” Dehan MJ Dionsio Babo iha sala Enkontru Ministeriu Justisa Caicoli Dili Quarta (27/03).

MJ mos enkorajen tan katak formandos hotu atu lalika moe atu husu perguntas maske lingua Portuges difisil tebes ba ita bo’ot sira maibe inportante mak atu lalika moe koalia no tenke komprende didiak material ne’ebe formador sira hanorin atu nune fila mai Timor Leste bele inplementa.

Tempu fulan rua deit tamba ne’e formadus sira hotu tenke aproveita tempu ne’ebe iha ho diak no tenke hatudu ita bo’ot sira nia disiplina iha formasaun nia laran tamba ba laos reprezenta deit Ministeriu Justica maibe ne’e reprezenta nasaun Timor Leste tamba ne’e tenke hatudu disipilina nafatin hodi hatudu ba nasaun seluk katak Timor oan mos bele.