Vise Ministru Justisa Ivo Valente, iha loron terça-feira dia 26 Março 2013 wanhira remata partisipa cerimónia inaugurasaun fatin hakmatek, iha hospital referal Maliana, nebe termina iha oras 12.00, kontinua halão vizita de trabalho ba Dirasaun 2 (Diresaun distrital, Registo Civil noo Diresaun Distrital Terras noo Propriedade) iha distritu Bobonaro, ho objectivu :

a). Informa lalaok servisus iha nivel Nacional, (kona - ba mekanismos no divisaun de tarefas entre membro Governo iha V governo konstituisional, nomeadamente iha Ministeriu Justiça, entre Sr. Ministru, Vice Ministro noo Sr. Secretario de Estado ba Terras).

b). Oinsa planu Ministeriu Justisa ba servisus administrativos, no oinsa Dirasaun Distrital sira hahu prepara –an atu sai/ transforma ba Municipio iha tinan balun oin mai.
c). Hare besik difikuldades noo identifika desafius, Funsionarius Ministériu Justisa hasoru iha terrenu.

1. Sorumutu ho Funsionarius publico Dirasaun terras noo propriedade distrital:
Hahu tuku 12.15, ho intervensaun Sr.Vice Ministru justisa, Ivo Valente nebe atende husi FP Dirasaun ida nee, hamutuk 12, husi total FP nain 15, funsionario 5 nudar Funsinario permanente, no 10 nudar Funsionario Casuais (husi propgrama ita nia rai).

Informa ba sira kona - ba assuntos administrativus, oinsa ezekuta orsamentu nebe aloka ba dirasaun ida ne, ho supervisaun no kontrolu ida nebe diak, husu va Administrasaun atu komprende no konhese diak regras ba ezekusaun, liu-liu ba orsamentu pety cash noo imprest fund, nebe sei aloka ba distritus sira, Vise Ministru Ivo Valente mos informa katak, Funsionariu publika sira nebe simu remunerasaun husi rubrika bens de servico nain 10 iha Bobonaro, fulan 3 ona seidauk simu osan / salariu tamba prosesu ba pagamentu refere tenki hein aprovasaun Orsamentu Jeral Estadu nian, husu ba sira atu komprende no kontinua disiplina nafatin atu alkansa objectivu dirasaun nian. Katal, percisa nafatin servisu ho espiritu atu servi ita nia povu, liu-liu assuntos espesifikus hanesan mediasaun ba resolusaun disputas ba rai. Desafisu nebe Teras e Propriedades distritu ne infrenta maka, falta de transportes, ekipamantos de servico balun hanesan, laptop, printer.

2. Sorumutu ho Funsionarius Publicus dirasaun distrital Registo civil:
Hahu iha oras 13.00, Vice Ministro Ivo Valente refere assuntu jeral nebe mos hatoo ona iha enkontru anteriro, ho DDTPSC Bobonaro, nune explika mos assunto espsifikos ba servisu dirasaun ida nee, hanesan kontinuasaun ba emisaun Bilhete de identidade ( BI) nebe sei prosesa iha futuru, atendimentu passe fronteira, atendimentu ba registu nacimento, etc..

Vise Ministru justisa Ivo Valente mos, preukupado tebes ho Uma nebe sei hamrik iha Edifisio Registo Civil nia sorin, nebe tuir prosesu ba desokupasaun halao liu ona tinan 1, maibe too ohin loron uma refere (sidadaun ida nian) sidauk ezekuta, tamba seidauk hetan kompensasaun nebe tuir CPV total 3.900 US $, montante nebe tuir los selu ona ba sidadaun nebe oukupa fatin estadu nian iha edifisiu nia sorin, nune mos katak, husu ba Directores sira atu koordena ho dirasaun nasional atu solusiona no hasai sidadaun nee husi fatin refere, tamba iha futuru wainhira Maliana atu sai Sidade Municipio, percisa iha Kartoriu ida atu Funsiona iha Municipio Bobonaro.

Identifika mos manutensaun ba edifisiu refere, katak iha nessecidade urgente atu halao manutensaun ba edifisiu ne, liu-liu percisa renova pintura ba edificio ne, no rehabilitasaun kmaan ruma atu assegura edifisiu ne nia qualidade, no oinsa edisfisiu nee bele iha bee sufisiente ba Funsionarius sira nia nessecidade. Enkontru ne termina iha oras 14.00.

Nune, Ekipa nebe akompanha Vise Ministru Justisa Ivo Valente fila mai Dili, iha oras tuku 14.15, hamutuk ho Motorisa Metódio, Sekretária Solange, media officer.