Dili-Ministru Justisa,Dionisio Babo akompania husi Vise Ministru Justisa, Ivo Valente,Sekratariu Estadu Terras no Propriedade partisipa inagurasaun edifisu foun Prokuradoria Republika Distrital Dili iha Matadoru Vila-Verde Dili Tersa (15/03) ho edifisiu foun neébe bele ona garantia servisu Prokuradoria Distrital Dili iha futuru.Hafoin inagurasaun Ministru Justisa,Dionisio Babo hateten katak durante neé edifisiu Procuradoria Distrital Dili la iha edifisu ida, durante neé nia delegasaun iha Distsritu 4 halo tea inagurasaun distritu Dili nia mak foin ohin halo inagurasaun no laos deit atu hotu iha Dili nia ona maibe iha futuru mos sei estabalese tan nia delegasaun procuradoria iha distirtu balun ne’ebe sei dauk iha.

MJ Babo informa tan katak “ Prokuradoria Distritu estabelese ona nia delegasaun iha Distritu 4 hanesan Distritu Eremera,Maliana,Baucau,Viqueque no Dili nia mak ohin foin mak halo inagurasaun,e hau (MJ) fiar katak edifisiu neé iha kualidade neébe diak tebes no luan e mos iha ekipamentus neébe kompletu ona tamba neé bele garantia ona servsiu Prokuradoria Distrital Dili nia iha futuru”Dehan MJ Babo.

Iha fatin seluk Prokuradoria Republika Distritu Dili Jose Ximens hateten katak Prokuradoria Distritu Dili hahu halaó nia kanár iha 2000 mai toó ohin loron maibe durante neé la iha edifisiu ida neébe propriu ba Prokuradoria Distritu Dili atu halaó nai servisu no durante tinan barak nia laran ami sempre muda tun sae hela deit.

“Hau fo agradese ba Governu neébe apoiu ona orsamentu ba prokuradoria Distritu Dili hodi halo konstrusaun ba edifisu foun Prokuradoria Distritu Dili nian no mos fo agradese ba Ministeriu Justisa liu husi Diresaun Nasional Terras no Propriedade neébe aloka ona rai estadu nian hodi hari edifisiu tamba neé ho edifisiu foun neébe hau fiar katak ba futuru sei ajuda servsiu Prokuradoria nia hodi hametin justisa iha paiz ida neé”dehan Jose Ximenes.

Edifisu Prokuradoria neébe hetan inagurasaun husi Prezidente da Republika Taur Matan Ruak,akompania husi Primeira dama Izabel Pereira,Prezidente Tribunal Rekursu Claudio Ximenes,Prezidente Tribunal Distritu Dili Duarte Tilman,Komadante F-FDTL Maijor Jenderal Lere Anan Timur.