Dili-Ministru Justisa Dionisio Babo Partisipa iha Reiniaun Annual Jestor Administrasaun Publiku ba ejekusaun Orsamentu do Estadu 2013 reiniaun neé halaó iha Sentru Konvensaun Dili (CCD) Kuinta (13/03) ho intensaun atu fo orientasaun ba Direitor Administrasaun iha Instituisaun Estadu hotu-hotu atu jere orsamentu Estadu tuir Lei no regulamentu neébe iha.Hafoin halo reiniaun Vise Ministra Finansas Santina Cardosu iha nia Diskursu hateten katak prosesu ejekusaun orsamentu jeral estadu ba tinan 2013 diferensia tebes ho tinan uluk no regiruzu tebes tamba neé seiminar ida ohin inportante tebes ba Direitur Nasional Administrasaun Financas sira hotu atu bele partisipa maximu.

“Ita hotu hatene katak dala barak Ministeriu Finansas halo pagamentu tarde no sistema taka tea ona maibe laos sistema mak taka tamba CPV neébe aprezenta husi Ministeriu ida-ida mak la los tamba neé ami sei la halo pagamentu”Dehan Vise Ministra Santina Cardoso.

Iha sorumutu neé mos Ministeriu Financas intrega mos livru orsamentu jeral ba tinan 2013 ba Ministeriu Justica Reprezentante husi Direitur Nasional Administrasaun Finansas Crisogno da Costa Neto hodi sai hanesan mata dalan ba ejekusaun orsamentu iha Ministeriu Justisa.

Instituisaun estadu neébe durante neé hatama reseitas ba estadu mak hanesan Alfandega,Ministeriu Justisa,EDTL no instituisaun estadu seluk neébe la temi naran.