Dili - Sekratriu Estadu Fortalesementu Instituisional (SEFI) fo ajuda livru hodi sai hanesan mata dalan ba Ministreriu hotu-hotu liu- liu Ministeriu Justica atu ejekuta orsamentu estadu nia tuir lei no regras neébe iha atu bele hadia sistema administrasaun iha Ministeriu Justica nia laran atu nune labele akontese tan dividas iha ejekusaun.Tuir Ministru Justisa Dionisio Babo hateten katak bajeia ba avaliasaun neébe iha IV Governu Konstituisional halo tea ona no ba V governu Konstituisional hanesan kontinusaun atu bele hadia administrativu no sistema birokrasia nia atu bele hadia sistema administarasaun no promove boa governasaun iha Ministeriu Justisa nia.

Tamba neé hahu iha Dezembru Ministeriu Justisa mos komesa hadia uma laran tamba Ministerio Justica iha funsionario neébe barak no namkarik toó iha Distritu no halao servsiu diak tebes so ke la iha matan dalan.

Tamba neé ho mata dalan neébe ohin SEFI intrega hanesan livru avaliasaun delloit,livru orsamentu nia, ba Ministeriu Justisa fiar katak ba futuru servisu iha Ministeriu Justisa nia sei lao ho diak.

MJ informa katak “Husu ba funsionariu hotu-hotu iha Ministeriu Justisa atu bele inplementa no ejekuta orsamentu estadu nian tuir lei neébe iha no livru neé sai hanesan mata dalan ida ba ita hotu atu banati tuir”Dehan Ministru Justisa Dionisio Babo hafoin halo Seminar ho SEFI iha Edifisio Diresaun Nasional Rejistu Notariadu (DNRN) Bebora Terca (12/03).

Iha fatin seluk SEFI Fransisco Borulaco hateten katak livru ida neé hanesan mata dalan ida hodi distribui ba instituisaun estadu hotu-hotu atu bele banati tuir liu-liu iha administrasaun no boa governasaun nian iha instituisaun estadu nian.