Dili 12 – 03 – 2013, Vise Ministru Justisa, Ivo Valente, hamutuk ho Ministru Justisa DR. Dionisio Babo, Secretario Estado Terras e propriedade, hamutuk ho Sekretariu Estadu Fortalecimentu Institusional Sr. Francisco BURLACO, oficialmente loke Workshop ho topiku “ Boa Governasaun “ Hahu Hadia Uma Laran”.

Workshop nebe halao ba Funsionarius Publiku Ministeriu Justisa nee, akompanha husi Direktores Nasionais, Distritais no chefes departamentus, sira, Eis Direktores no Eis Chefe Departementu, durante loron ida tomak.

Iha lian nakloke, Vise Ministru Justisa, Ivo Valente haklaken importansia husi konhesimentu ba elementus sira Boa Governasaun nian. Katak V Governu Konstitusional iha komitmentu ba governasaun ho dalan ida atu haforsa servisu no halo tuir buat nebe elementus ba boa governasaun aplika iha servisu lor loron nian, nune Funsionarius Publiku Ministeriu Justisa prontu atu hetan informasaun no experiencias sira nebe mai husi Sekretariu Estadu Fortalecimentu Institucional (SEFI).

Funsionarius Publiku Ministeriu Justisa iha dever atu hatene no konhese deveres no resposabilidades tuir Lei Funsaun Publiku, nune mos hatene leis ka regulamentus seluk atu bele ezerse nia funsaun profesional.

Ministeriu Justisa tenke sai ezemplu ba implementasaun Boa Governasaun. Iha tinan 2013 funsionarius Ministeriu Justisa nudar sidadaun iha dever atu kaer metin tema Governu nian ba tinan ne é “ sai sidadaun diak, sai herois diak ba Nasaun Timor – Leste.

Vise Ministru Justisa, Ivo Valente, ensera nian intervesaun ho valoriza mos servisu (SEFI) nian ba nasaun doben Timor – Leste.