Dili-Ministru Justisa Dionisio Babo Partisipa Serimonia Selebrasaun loron mundia ba Feto iha mundu liu-liu Timor Leste ho nia tema “Tane Aás Knar Feto Nudar Jestor No Edukador iha Sosiadade” Sexta (08/-3) iha Sentro Konvensaun Dili (CCD).

Tuir Prezidente da Republika Taur Matan Ruak hateten katak Durante neé krimi violensia domestika aás tebes iha Timor Leste tamba neé ho loron ida neé ita bele reduz krimi violensia hasoru feto iha ita nia rai Ema hotu koalia direitu entre sidadaun feto ho mane maibe buat neéb feto halo mane labele halo no buat neébe imi feto halo mak ohin loron ami mane mos bele moris iha mundu.

“Ita koalia direitu hanesan entre sidadaun sira mane ho feto,mane sira tenke rekonhese katak ita la hanesan ho feto tamba buat neébe imi halo ami labele halo buat neébe ami halo imi bele halo tamba neé ami mane tenke rekonhese maibe mane ho feto moris atu konplemta malu deit”dehan Prezidente da Republika Taur Matan Ruak hafoin halo diskursu ba loron Mundial ba feto iha CCD.

Iha fatin seluk Vize Primeiru Ministru Fernando Lasama hateten katak feto mak fo dame ba mundu tamba neé ohin loron hanesan loron special ba feto sira tamba neé presija ita hotu atu tau atensaun no presija atu respeita feto sira nia direitu.
“Buat neébe xave mak neé hadomi malu fen ho laen tenke hadomi malu atu nune labele hamosu fali violensia iha familia laran no iha sosiadade nia let”dehan Vize PM.