Dili - Embaixador Australia ba Timor Leste, Miles Armitage ho nia Konselheira hasoru malu ho Ministru Justisa Dionisio Babo iha Ministeriu Justisa, Kaikoli Dili iha Quarta-Feira, 06 de Marsu 2013.

Enkontru halo ho intensaun atu aborda liu tan konabá servisu hametin relasaun entre nasaun rua, Australia ho Timor-Leste, no mos sobre kestaun ba fatin atu uza hodi hari instalasoens diplomatas Australia nian iha timor-Leste.

Ba assuntu ida ne, Ministru Justisa informa ona katak, rai nebe durante nee diplomatas Australia uza iha tasi-ibun Fatuhada, besik Ministériu Negosius Estranjeirus (MNE) nia kontratu remata ona.

Ba ida nee, Ministu Justisa Dionisio Babo informa katak, rai ne labele aluga tan ona tanba atu harii instalasoens governu Timor nian iha future.

Ministeriu Justisa mos indentifika ona rai mamuk Estadu nian hodi fo ba embaixada Australia atu bele halo instalasaun foun ba diplomatas Australia iha Timor Leste, tanba governu Australianu mos reciproka ho terrenu iha Canbera ba estabelisimentu instalasoens embaxada Timor nian iha Australia.

Hafoin enkontro nee, Ministru Justisa Dionisio Babo informa katak, “Embaixador Australia mai hasoru malu ho hau (MJ) atu koalia sobre relasoens entre paíz rua no servisu nebe durante halo iha area justisa ho apoiu governu Australianu nia no husu atu indentifika propriedade estadu nian nebe agora sei mamuk atu bele aloka ba embaixada atu hari instalasaun foun ba diplomatas Australianu nia iha Timor Leste”.

MJ mos salienta tan katak “fatin neébe durante neé emabaixada utiliza agora dadaun Ministeriu Negosiu Estranjeiru no Koperasaun (MNEC) atu uza tamba neé ambaxada Australiana tenke buka fali fatin seluk atu bele uza.

Iha fatin seluk Embaixador Australia iha Timor Leste Miles Armitage hateten “Objetivu hasoru malu ho Ministru Justisa atu husu no autoriza rai estadu nian neébe sei mamuk atu halo instalasaun foun ba diplomatas Australia foun tamba fatin ida neébe agora dadaun sei intrega fali ba MNEC.