Dili , 05 – 03 – 2013 Funsionariu publiku Ministeriu Justisa nian, halao Retiru iha Igreja Aimutin, partisipa mos iha retiru ka reflesaun ida neé, Vise Ministru Justisa Ivo Valente, nebe hahu loke ho mensagem no agradesimentu ba padre paroquia Igreija Aimutin, noo husu ba Funsionariu Publiku Ministerio Justisa atu akompanha retiru ne ho laran tomak, hodi halo reflesaun ida klean ba sakrifisiu nain Jesus, hanesan mos sakrifisu nebe ita hotu - hotu halo ona, ba moris diak povu Timor oan nian, hein katak iha semana ida nee. Ita hotu sei hakribit ita salan, buka hadia moris, no haboot espiritu damai kristaun sira nian !
Atividade sarani ida nee, hahu tuku 08.00 dadersan to 14.00 oras lokoraik. Antes atu termina retiru , padre hálo Misa Especial atu fo hanoin ba funsionariu tomak Ministeriu Justisa, atu prepara an hodi simu loron paskoa ho klamar mos no esperitu damai.

Partisipa mos iha retiru neé, Direktor Geral, Direktor Nasionais, Chefe departementu, no funsionarius iha Ministeriu Justisa nian.

Remata retiru funsionariu Ministeriu Justisa fila ba ida – ida nia departementu para halao servisu iha parte lokraik.