Dili , segunda-feira, 04/03/2013, iha gabinete Vise Ministru Justisa Ivo Valente, Simu Sra.Antonia Luedeke(Reprezentante UNICEF iha TL ) ho delegasaun UNICEF nain 2 seluk (Sra.Sholly Casey,Sr.Jacinto Belo), hodi diskuti assuntus oin-oin konaba labarik nia direito.Iha enkontru neé, Vise Ministru Justisa Ivo Valente, koalia kona – ba importância koperasaun entre Ministeriu Justisa ho agencia UN ida neé, preparasaun ba workshop iha dia 5 ho 6 fulan Marco 2013 nebe sei diskuti iha Centro Formasaun Juridica, esbosu lei sira kona - ba justica juvenil, kodigo direitu labarik, nebe komenta mos konaba idade menor atu hetan responsabilidade kriminal iha prosesu judisial Timor - Leste nian.

Nune mos, explika ba UNICEF asuntus balun nebe Vice Ministru Justica Ivo Valente ho ekipa ida vizita Bangkok ( Thailandia), hodi hare besik implementasaun sistema justisa no implementasaun normas internasionais kona - ba direito labarik nian, iha paíz neba.

Katak, konforme planu estrategico sektor justisa Timor-Leste, no hare ba ratifikasaun konvensaun direito Labarik nian, iha tinan 2003, Timor - Leste komprometido atu assegura medidas legais hotu atu bele protégé labarik sira nia direitu iha Timor leste, nune iha urgência atu harii centro rehabilitasaun ( treinamentu ) ba labarik sira nebe iha konfiltu ho lei. Timor - Leste iha tinan ida neé, sei iha desenho ba centro rehabilitasaun labarik nebe iha konfiltu ho lei. Noó ho nune, tinan oin sei preve orsanmentu ba konstrusaun centro rehabilitasaun ida nebe, bele responde nessesidades ba labarik sira nebe lei protégé.

Enkontru refere, remata iha tuku 10.15, ho agenda kontinuasaun reuniaun ho Ministru Justisa Sr. Dionisio Babo iha sexta-feira dia 8 Marco 2013.