Dili: Ministru Justisa Dionisio Babo partisipa iha Konfrensia Internasional G7+ neébe kompostu husi Nasaun frazil sira, Timor Leste sai hanesan Uma nain ba Konfrensia Internasional neé ho tema “Development for All: Stop Konflict,Build states and eradicate poverty” konfrensia neé halo durante loron rua 27-28 Fevreiru iha Sentru Konvensaun Dili (Dili).Primeiru Ministru Timor Leste Kay Rala Xanana Loke ofisialmente ba konfrensia internasional G7+ iha diskursu hateten katak honra boót ida mai hau bele simu ita boót sira hotu,lori governu ho povu Timor Leste nian naran hakarak hatoó boas vindas especial ba imi nain 227 konvidadus internasional neébe mai husi mundu tomak atu partispa iha konferensia neé.

Privilejiu ida bele mai iha ami nian let iha Timor Leste,grupu ida neébe distintu tebetebes husi lideres internasional peritus dezenvolvimentu,akademiku ho reprezentente husi sosiade sivil ho setor privadu.

Primeiru Ministru mos informa tan katak hanesan eradika ka halakon probreza no kontribui ba iha mundu tamba neé ohin ita hasoru malu iha neé atu diskuti kobna ba ajenda Dezenvolvimentu Pos-2015 objektivu dezenvolvimentu millennium nian, ne’ebe lansa iha tinan 2000 ajuda ita lao tuir dalan ba dezenvolvimentu maibe paiz barak neébe kiak iha mundu sei hela iha kotuk.

PM mos reforsa tan katak ami mos sente orgolhu boót tebes tamba iha Timor oan feto ida bele sai painel altu nivel ONU nian ami tau fiar ba nian tamba ami hatene buat ne’bee nian halo atu reforma ami nia sistema.

Iha konfrensia Internasional neé partisipa husi Prezidente Kiribati Sr.Anote Tong,Primeiru Ministru Ilas Salomao reprezentante Prezidente Republika Indonesia Dr.Kuntoro Mangkusubroto,Reprezentante Prezidente Liberia Asesor Dr.Oluremi Gabriel Sogunro no membru G7+ tomak.