SEKRTETÁRIU Estadu Terras Propriedade(SETP) Jaime Xavier Lopes, iha loron Sesta, 22 fulan-Febreiru 2013 liu-ba marka enkontru ho Reprezentante hosi Paíz Lian Portugés nian sira iha Sala reuniaun Terras Propriedade Bebora Dili hodi ko’alia kona-ba kontratu ba arrendamentu nian ne’ebé maka governu liu hosi Terras Propriedade atu fó ba sira.

Iha biban ne’e Reprezentante CPLP nian assina kontratu arrendamentu hodi entrega ba iha Sekretáriu estadu terras propriedade haree hafoin halo atribuisaun.
Iha enkontru ne’e Sekretáriu estadu Terras Propriedade hateten, kontratu arrendamentu ba embaixada sira iha Timor-Leste hanesan deit. Nune’e kontratu arrendamentu ba CPLP mós sei hanesan ho sira seluk. Fatin ne’ebé assina kontratu arrendamentu ne’e maka fatin ne’ebé uluk João Carascalao hela ba iha kampong Alor.

Assina Kontratu arremdamentu hotu tiha, Reprezentante Embaixadór CPLP nian ne’e hatudu mós dokumentus kona-ba memorandum of understanding ida ne’ebé maka antes ne’e Ministru Negosiu Estanjeiru Anterior hosi IV Governu Konstitusionál nian.

Iha enkontru ne’ebé hetan mós partisipasaun hosi Diretór Nasionál Terras Proriedade no Servisu Kadastrais no Xefe Departamentu Kadastro ne’e, SETP Reforsa mós, bazeia ba dokumentus memorandum of understanding ne’e, SETP halo atribuisaun ba iha reprezentante CPLP hodi bele harii ninia embaixada iha Timór-Leste.

Reprezentante CPLP nian ne’e hato’o mós agradesementu ba governu Timor-Leste tanba bele fó apoiu ba iha programa CPLP nian ne’ebé maka sei estabelese iha nasaun ne’e. Sira mós la haluhan husu nafatin koperasaun hosi governu Timor-Leste.