Dili-Ministeriu Justisa liu husi Diresaun Nasional Rejistu Notariadu (DNRN) haruka tan funsionariu Publiku husi DNRN hamutuk nain 10 hodi ba tuir formasaun iha Portugal hodi hasae tan kapasidade funsionariu publiku tamba funsionariu publiku mak sai hanesan servidor estadu tamba neé presija atu aumenta sira nian kapasidade.Hafoin halo despidida, Ministru Justisa Dionisio Babo hateten katak inportante ba formandus sira hotu tenke hatudu disiplina no komportamentu diak banhira tuir formasaun hodi hatudu ba nasaun sira seluk katak Timor oan mos bele tamba neé formandus sira hotu atu tuir formasaun ho diak hodi aproveita oportunidade nébe govenru fo ba imi hodi tuir formasaun ho diak atu nunee fila mai Timor Leste bele kontribui ba ita nian nasaun liu-liu iha Ministeriu Justisa.

“Hau (MJ) husu ba imi hotu neébe atu ba tuir formasaun iha Portugal atu kuidadu aán no tenke hatudu imi nian disiplina no komportamentu diak hodi aproveita oportunidade neéb governu fo ba imi atu nune fila mai Timor bele inplementa matenek neébe ita bót sira hetan Durante iha formasuan nia laran”Dehan Ministru Justisa Dionisio Babo hafoin halo Despidida ho Formandus sira iha Sala Reiniaun Ministeriu Justisa Kaikoli (25/02).

MJ enkorajen tan katak husu imi atu lalika moe atu husu ba formadores sira banhira imi duvidias iha materia balu inportante mak neé imi labele moe atu husu no husu mos ba imi hotu atu aproveita tempu ho diak tamba governu haruka imi ba laos atu ba pasiar deit maibe atu aproveita tempu neéb ita bót sira hetan hodi tuir formasun ho diak.

Formandus nain 10 neé sei desloka ba Protugal iha dia 6 de Marsu tinan ida neé hodi tuir formasaun iha Portugal durante fulan 6 nain laran.