Dili- Delegasaun husi World Bank (Banku Mundial) hasoru malu ho Ministru Justisa Dionisio Babo hodi rona esplikasaun husi Ministru Justisa kona ba lalaok servisu Seitor Justica iha Timor Leste liu-liu kona ba prosesu levantamentu dadus ba Rai.

Iha Enkontru neé Ministru Justisa Dionisio Babo hateten katak Ministeriu Justisa agora dadaun iha Sekretariu Estadu Terras Propriedades no Servisu Kadastrais (SETP) no Diresaun hamutuk (6) Diresaun Nasional Assessoria Jurídika no Lejislasaun (DNAJL) Diresaun Nasional Direitus Humanus no Sidadania (DNDHC ),Diresaun Nasional Rejistu no Notariadu (DNRN) .

Diresaun Nasional Servisus Prisionais no Reinsersaun Sosial (DNSPRS) Diresaun Nasional Administrasaun no Finansas (DNAF) Defensoria Públika ,Sentru Formasaun de Jurídika (CFJ).

“Diresaun Nasional sira neé agora dadaun mos estabelese nian diresaun toó ona Distritu hotu tamba neé Ministeriu Justisa iha diresaun neébe boót ” hafoin hasoru malu ho World Bank iha Gabinete Ministru Justisa Sexta (22/02).

Alende neé Ministru Justisa Dionisio Babo informa katak Governu liu husi Ministeriu Justisa iha tinan kotuk iha Diresaun Nastional Terras no Propriedade hodi servisu hamutuk ho USAID liu husi Programa ITA NIA RAI hodi halo levantamentu dadus ba rai neébe durante neé iha hela disputa.

“Iha tinan kotuk Diresaun Nasional Terras no Propriedade iha deit Diresaun maibe ba tinan ida neé governu liu husi Primeiru Ministru muda diresaun neé sai Sekratariu Estadu hodi hare liu ba problema rai iha Timor Leste tamba iha tinan uluk halo koperasaun ho USAID konsege redus problema disputa rai tamba neé ba tinan ida neé sei kontinua esforsu aán hodi halo levantamentu nafatin atu redus problema kona ba rai” Dehan Ministru Justisa Dionisio Babo.