Dili-Ministru Justisa Dionisio Babo Partisipa iha serimonia Selebrasaun loron aniversariu Komisaun Anti Korupsaun (KAK) ba dala tolu (3) ho nia tema “Papel Universitariu ba Prevene Korupsaun iha Timor Leste” neébe realize iha Gedun Matahari Terbit (GMT ) Sexta (22/02).

Tuir Ministru Justisa Dionisio Babo hateten katak fo Parabens ba esforsu neébe durante neé CAC halo tamba Komisaun Anti Korupsaun hamrik foin mak tinan tolu ohin (3) maske komisaun neébe hamrik hahu husi Zero maibe ita hare katak ohin loron nian mos bele kombate ona korupsaun iha ita nian rai.

“Hau (MJ) fo parabens ba KAK neébe ho nian esforsu a’an tomak hodi halo prevensaun no kombate korupsaun iha nasaun ida neé sira hamrik hodi halo servisu primeiru mak prevensaun,edukasaun no peskiza segundu mak sira halo investigasaun ida neé hatudu pasu pozitivu atu bele kombate korupsaun iha nasaun ida maske foin mak hamrik”Dehan Ministru Justisa Dionisio Babo hafoin partisipa iha selebrasaun loron aniversariu KAK nian bad ala tolu iha GMT Dili Sexta (22/02).

Iha fatin seluk Komisariu Komisaun Anti Korupsaun Aderito de Jesus iha nia diskursu hateten katak ohin foin mak KAK halo tinan tolu (3) Komisaun ida neé hamrik iha loron 22 fulan Fevereiru 2010 hahu husi Zero maske ema barak kestiona makas kona ba servisu KAK nian Durant e neé maibe esforsu neébe durante neé KAK halo mak Prevensaun no fo edukasaun ba entidade hotu-hotu.

“Ita hotu hatene katak atu prevene no kombate Korupsaun laos Komisaun Anti Korupsaun nian mesak maibe entidade hotu-hotu nian atu bele kolobora ho Komisaun Anti Korupsaun atu bele kombate korupsaun neébe mosu iha ita nian rai ” Dehan Komisario KAK Aderito de Jesus hafoin nian diskursu.