Dili-Relasiona ho inundasaun neébe akontese iha Domingu foin dadauk neé Primeiru Ministru Xanana Gusmao fo orientasaun ba Membru Govenru hotu-hotu inkului mos Ministru Justisa Dionisio Babo halo limpeza hodi hamos foer no tahu neébe nakonu iha Palasiu Prezidente.

Ita hotu hatene katak durante neé sidadaun hotu-hotu seidauk iha konsensia atu tau foer iha lixu maibe soe foer arbiru deit tamba neé nian impaktu mak banhira udan boót tenke hamosu inundasaun hodi halo sidade Dili nakonu foer no Tahu naruk.

Hafoin halo Limpeza Primeiru Ministru Xanana Gusamao hateten katak Husu ba sidadaun Timor oan hotu atu iha konsensia atu bele kuidadau ambiente iha ida-idak nian hela fatin atu nune banhira udan boót labele fo inpaktu ba sidade laran.

“Sidadaun hotu-hotu hanesan Timor oan tenke iha konsensia rasik atu bele kuidadu ambiente iha ida-idak nian hela fatin tamba ambiente atu mos presija ita hotu nian kontribuisaun”Dehan PM.

Iha fatin Hanesan mos Ministru Justisa Dionisio Babo informa mos katak Palasiu Prezidente nakonu ho foer no tahu nurak tamba inpaktu husi inundasaun tamba neé Primeiru Ministru fo orientasaun ba Membru Govenru hotu-hotu atu bele partisipa hodi hamos foer no tahu nurak neébe nakonu iha Palasiu Prezidente nian laran.

“Ita hotu hatene katak agora dadaun udan tau hela deit tantu sempre hamosu inundasaun tamba ita sidadaun ida-idak seidauk iha konsensia atu tau foer iha nia fatin no soe arbiru deit tamba neé banhira udan boót sempre hamosu inundasaun”dehan MJ.